2012 විශ්ව රූ රැජන තරගයෙන් සබ්‍රිනා හර්ෆට් අවසන් 20 ට

අමෙරිකාවේ ලාස්වේගාස්වල මේ දිනවලදී පැවැත්වෙන 2012 විශ්ව රූ රැජන තේරීමේ තරගයට ශ්‍රී ලංකාව නියෝජනය කරමින් ඉදිරිපත් වී සිටින සබ්‍රිනා හර්ෆට් මෙනවියට අවසන් තරගකාරියන් 20 දෙනා අතරට පැමිණීමේ භාග්‍ය උදාවනු ඇතැයි ආමෙරිකානු මාධ්‍ය අනාවැකි පළකර ඇත.

මේ තරගයේ අවසන් මහා තරගය හෙට(19) පැවැත්වීමට කටයුතු යොදා ඇත.

මේ තරගයට රටවල් 89ක් නියෝජනය කරමින් තරගකාරියන් ඉදිරිපත්ව සිටින අතර ශ්‍රී ලංකාවේ අභිමානය රැගෙන ඊට සහභාගී වී සිටින සබ්‍රිනා හර්ෆට් මූලික අධ්‍යාපනය හදාරා ඇත්තේ ආසියානු ජාත්‍යන්තර පාසලිනි.

ඕස්ට්‍රේලියාවේ මෙල්බන් විශ්වවිද්‍යාලයේ ජනසන්නිවේදනය පිළිබඳ උපාධිධාරිනියක් වන ඇය වර්තමානයේ ලෝක බැංකු ආධාර මත මෙරට ක්‍රියාත්මක වන ව්‍යාපෘතියක මාධ්‍ය සම්බන්ධීකරණ නිලධාරිනියක් වශයෙන් සේවය කරන්නීය.

පහත සදහන් වෙබ් අඩවියට පිවිසීමෙන් ඇය ගේ profile එකට පිවිසිය හැක

SABRINA HERFT SRI LANKA