අරලගංවිල පාෂාණට පේරාදෙණිය සහ බකින්හැම් හැප්පෙයි

පොළොන්නරුව අරලගංවිල ප‍්‍රදේශයෙන් හමු වූ බව කියන පාෂාණ කැබලි මොනවා දැයි පේරාදෙණිය විශ්ව විද්‍යාලය,බි‍්‍රතාන්‍ය බකින්හැම් විශ්ව විද්‍යාලය සහ නාසා ආයතනය අතර මතගැටුම් නිර්මාණ වී තිබෙනවා. අරලගන්විල කුඩාවැව කුඹුරක තිබී හමුවූයේ උල්කාපාත හෝ වෙනත් ග්‍රහවස්තු කැබැලි නොව දැඩි දහනයකට ලක්වූ මැටි පාංශු කැබැලි බව පේරාදෙණිය විශ්වවිද්‍යාලයේ උපකුලපති මහාචාර්ය අතුල සේනාරත්න මහතා අවධාරණය කරයි.

පර්යේෂණවලින් අනතුරුව එම කටයුතු සඳහා සහභාගී වු භූ විද්‍යාඥයින් පිරිස මාධ්‍ය හමුවක් පවත්වමින් මෙම කරුණු අනාවරණය කර තිබේ.අදාළ උල්කාෂ්ම යැයි සැලකෙන ද්‍රව්‍ය විදුලි කෙටීම සමග නිර්මාණය වු ඝන ද්‍රව්‍යයක් බවත් එය ජලය සමග මුසුවී ගලාගෙන ගොස් ඇති බව තහවුරු වුයේ ඒවා ජලය ගලන පැත්තට වන්නට තිබී සොයාගත් නිසා බවත් හෙතෙම සඳහන් කරයි.එම කුඹුරුයායවල ඇති වී සහ මඩ කොටස් තැන්පත් වීම නිසා මෙම ආගන්තුක ද්‍රව්‍යවල ජීවි සෛල ඇතැයි යන්න නිගමනවලට එළඹ ඇතැයි යන්න එහිදී අවධාරණය කෙරිණ.

අරගන්විලට වැටුණේ විරල ගණයේ උල්කාපාතයක් - Prof. Richard Hoover of NASA.

අරලගන්විල ප්‍රදේශයට ඇඳ වැටුණු උල්කාපාතයේ පාෂාණ කොටස් ඉතා වීරල ගණයේ ඒවා බව අමෙරිකාවේ නාසා ආයතනය පවසයි.එහි තාරකා විද්‍යාඥ මහාචාර්ය රිචඩ් බ්‍රි හුවර් මහතා පෙන්වා දෙන්නේ, පෘථිවියේ කිසිඳු තැනකින් එවැනි ආකාරයේ පාෂාණයක් හමුවී නොමැති බවය.

ඇමෙරිකාවේ නාසා ආයතනයේ පවත්වන ලද පර්යේෂණයකින් අනතුරුව මහාචාර්ය රිචඩ් බ්‍රි හුවර් මහතා මේ බව දැනුම් දුන් බව වෛද්‍ය පර්යේෂණ ආයතනයේ අධ්‍යක්ෂ විශේෂඥ වෛද්‍ය අනිල් සමරනායක මහතා සඳහන් කළේය.

පිටසක්වල ජීවීන් ගැන පළමු සාක්ෂිය ලංකාවෙන්

ජීවය ඇති තව ලොවක් තිබෙනවා “මනම්පිටි උල්කාශ්මය හොඳ සාධකයක්"

පසුගිය දෙසැම්බර් 29 දා පොළොන්නරුවේ මනම්පිටියට වැටුණු උල්කාශ්ම කොටසක තිබී ෆොසිල බවට පත්වූ ඇල්ගී සෛල ලෙස විශ්වාස කළ හැකි කොටස් හමුවී ඇතැයි එංගලන්තයේ බකිංහැම් විශ්විද්‍යාලයේ තාරකා විද්‍යාව පිළිබඳ මහාචාර්ය චන්ද්‍රා වික්‍රමසිංහ පවසයි.

එම උල්කාශ්ම කැබලි ඉලෙක්ට්‍රොනික අන්වීක්ෂයකින් පරීක්ෂා කිරීමේදී මෙම සාධක ලැබුණු බවත් එය පෘථිවියෙන් පිටත ජීවය පවතින බවට ලැබුණු ප්‍රථම සාධකය බවත් මහාචාර්ය වික්‍රමසිංහ වැඩිදුරටත් පවසයි.

මෙලෙස හමුවී ඇත්තේ ඩයටම ලෙස හඳුන්වන ඇල්ගී කොටස් බවත් ජීවීන් සහිත අභ්‍යන්තරික සාගරයකින් වෙන්වී වල්ගාතරුවක් සමග එය පැමිණෙන්නට ඇති බවත් ඔහු පවසයි. වසර ලක්ෂ ගණනක් සූර්යයා වටා භ්‍රමණය වෙමින් තිබූ මේ උල්කාපාත කොටසේ ජලය වාෂ්ප වන්නට ඇති බව ද මහාචර්ය වරයාගේ මතයයි.

කළු පාට වැස්සත් එයි- Black Rain

රතු, කහ හා කොළපාට වැසිවලට අමතරව කළු පාට වැස්සක් ද ඇද වැටී තිබේ. මහියංගනය, මීගහපිටිය ප්‍රදේශයට කළුපැහැති වැස්සක් ඇදහැලී ඇති බව වාර්තා වේ.ප්‍රදේශවාසීන් පැවසූවේ, ඊයේ රාත්‍රි ඇදහැලුණු අධික වර්ෂාවත් සමඟ මෙම කළුපැහැති වර්ෂාව ද ඇදහැලුණු බවය.

එම ජලය ගලාගෙන ගොස් රැඳි ඇති ස්ථානවල තෙල් තට්ටුවක් මෙන් දක්නට ඇතැයි ද එම ප්‍රදේශවලට ඉහළ අහසේ කළු පැහැති ඝන වලාකුළුවලින් වැසී ඇති බවද එය දුටුවෝ පවසති.

සාලියපුරට නිල් වැස්සක්: ජල සාම්පල වල ඊයම් " Saliyapura Blue Rain "

දිවයිනේ විවිධ ප‍්‍රදේශ වලට පසුගිය කාලය තුළ විවිධ වර්ණයන්ගෙන් යුත් වර්ෂාවන් පතිත වු අතර අනුරාධපුර සාලියපුර බණ්ඩාරපුලියන්කුලම ප‍්‍රදේශයට ප‍්‍රථම වතාවට පසුගිය 03 වන දා දහවල් කාලයේ නිල් පැහැයෙන් යුතු වර්ෂාවක් පතිත වු බව බණ්ඩාරපුලියන්කුලම පදිංචි සිරිසේනගේ වසන්ත මහතා පැවසීය. 

ඒ මහතා විසින් වර්ෂාවෙන් එක්රැස් කරන ලද ජලය 05 දා දහවල් පරීක්‍ෂණ කටයුතු සදහා අනුරාධපුර කාලගුණ විද්‍යා දෙපාර්තුමෙන්තුවට භාරදෙනු ලැබීය. අංක 50 බණ්ඩාරපුලියන්කුලම අනුරාධපුර පදිංචි සිරිසේනගේ වසන්ත (46) මහතා එක්රැස් කරගන්නා ලද නිල් පැහැති ජලය පසුගිය 03 වනදා දහවල් 11.30 ට පමණ ප‍්‍රදේශයට ඇදහැලුණු වර්ෂාවත් සමඟ ඇද වැටෙන්නට ඇති බවට ඔහු අනුමාන කරයි.

ළිඳකින් රතු වර්ණයෙන් යුත් වතුර මතුවෙයි ! Red Water Well At Ampara

අයගම ප‍්‍රාදේශීය ලේකම් කොට්ඨාසයට අයත් නිකගොඩ හඳහන්දෙණිය දොළෙහි ජලය පසුගිය දෙසැම්බර් 7 වනදා සිට රතු පැහැයට හැරී තිබු අතර රත්නපුර, බටුගෙදර පරණ පාරේ පිහිටි නිවසක ළිඳකින් රතු වර්ණයෙන් වතුර මතුවීමක්‌ පිළිබඳ පුවතකුත් පසුගිය 13 දා වාර්තා වුණා.

මේ අතර අම්පාර අඩාලච්චෙන සින්නපාලමුනේ ප්‍රදේශයේ ලිඳක වතුර සම්පූර්ණයෙන්ම රතු පාට වී තිබෙනවා. එය බැලීමට මේ වනවිට විශාල පිරිසක් එක් රොක් වෙමින් සිටින බවයි වාර්තා වෙන්නේ.

එලොවින් ආ ගල් නිසා කතක් ක්ලාන්ත වෙයි !

ගල් සියල්ල පොලිසියට ගනී

දිඹුලාගල කුඩා වැව වෙල්යායේ කුඹුරු කිහිපයකට පසුගිය 29 වෙනිදා රත්‍රියේ අහසින් කඩා හැලී ඇති උල්කාපාත කොටස් යැයි සැලෙකෙන පාෂාණ කැබලි සියල්ල අරලගංවිල පොලිස් භාරයට ගෙන ඇත. පාෂාණ කැබලි කොටස් පේරාදෙණිය විශ්ව විද්‍යාලයේ උපකුලපති භූ ගර්භ විද්‍යාඥ මහාචාර්ය අතුල සේනාරත්න මහතා වෙත පරික්ෂණ සඳහා යොමු කිරීමට නියමිත බව අරලගංවිල පොලිස් ස්ථානාධිපති පොලිස් පරික්ෂක ලලිත් රාජමන්ත්‍රී මහතා අප කළ විමසීමක දී ප්‍රකාශ කළේය.

 ඉකුත් කුඩා වැව වෙල්යායට කඩා හැලුණු කොටස් ඇතැම් ගොවීන් එකතු කරගෙන නිවෙස් වලට රැගෙන ගිය පසු ගොවීන් කිහිපදෙනෙකුගේ අත් දැවිල්ලක් හට ගෙන ඇති බවද ගම්වාසීන් පැවසූහ. ගොවි මහතෙකු විසින් තම බිරිඳට එම කොටස් ලබා දීමෙන් පසු බිරිඳට ක්ලාන්ත තත්වයක් ද හටගෙන ඇත. කෙසේ වෙතත් එවැනි කොටස් ඇල්ලීමෙන් වලකින ලෙසත් එවැනි දෙයක් දුටුවොත් වහාම පොලිසිය දැනුවත් කරන ලෙසට අරලගංවිල පොලිසිය මඟින් මහජනතාව දැනුවත් කර ඇත.

දිඹුලාගලට අහසින් කෑලි වැටේ !

දිඹුලාගල කුඩාවැව කුඹුරු යායක වතුර හරවමින් සිටි ගොවීන් පිරිසක් පෙරේදා (29දා) රාත්‍රියේ කුඹුරු යායකට පතිත වූ ආලෝක ධාරා පිළිබඳව බිය වී ආපසු ගොස් පසුදා (30දා) උදේ කුඹුරුවලට ගොස් බැලූ විට කිසියම් පාෂාණ කැබලි වැටී තිබෙනු දැක ඇත.

කුඹුරු යායේ ගොයමට වතුර හැරවීම සඳහා පෙරේදා (29දා) රාත්‍රියේ කුඹුරුවලට ගිය ගොවීන් රාත්‍රියේ අලෝකය විහිදුවමින් කුඹුරුවලට වැටෙන කිසියම් දෙයක් දැක ඉන් බියට පත්වී ආපසු නිවෙස් වෙත පැමිණි බව සිද්ධිය ඇසින් දුටු කුඩාවැව ලොකුබණ්ඩා ගොවි මහතා පවසයි.

කොළ පාට වැස්සක් ! Sri lanka, Green Rain

අනුරාධපුර දිස්ත්‍රික්කයට අයත් මැදවච්චිය පොලිස් වසමේ හොරොව්පතාන මාර්ගයේ කනදරා දිවුල් වැව ප්‍රදේශයට ලා කොළ පැහැති වර්ෂාවක් පතිත වූ බව එම ප්‍රදේශයේ පදිංචි කරුවකු වන පී.ආර්.එස්.රණතුංග මහතා පැවසීය. ඉකුත් (28) වන දා 2 ත් 2.30 අත් අතර කාලය තුළ දී විනාඩි පහක පමණ කාලයක් මෙම වර්ෂාව ඇද හැළුණු බවත් නිවසේ වහලයෙන් වැටෙන ජලය එක් රැස්කිරීම සඳහා තබා තිබූ බේසමකට මෙම ජලය පිරී තිබූණු බවත් පරික්ෂණ කටයුතු වලට ලබා දීමට එම ජලය බෝතලයක රැස්කර තිබෙන බව මැදවච්චියෙ පදිංචි ඉලෙක්ට්‍රොනික් කාර්මිකයෙකු වන පී.ආර්.එස්. රණතුංග මහතා පැවසීය. පසුගිය 26,27, යන දිනවල දී කහටගස් දිගිලිය, හොරොව්පතාන, තිරප්පනය, අනුරාධපුර යන පොලිස් වසම් කිහිපයක ගම්මාන රැසකට තද කහ, ලා කහ වර්ෂාවත් පතිත වූ බවටද වාර්තා විය.

සෙවනගල රතු වැස්සේ ක්ෂුද්‍ර ජීවීන් අතිශයින්ම අසාමාන්‍යයි ! Professor Chandra Wickremesinghe

සෙවනගල ප්‍රදේශයට පසුගියදා ඇඳහැළුණු රතු වැස්සේ සාම්පල වෛද්‍ය පර්යේෂණායතනය විසින් පරීක්ෂා කිරිමෙන් පසුව, ඔවුන් පැවසුවේ එහි ජීවින් විශේෂයක් හඳුනාගත් බවය.

මෙම සාම්පල වැඩිදුර පරීක්ෂණ සදහා බ්‍රිතාන්‍යට ද රැගෙන ගිය අතර එහිදී කළ පරීක්ෂණවලින් කරුණු කිහිපයක් අනාවරණය වී තිබේ.

ඒ පිළිබඳව අදහස් දක්වමින් තාරකා ජීව විද්‍යාව පිළිබඳ බකිංහැම් මධ්‍යස්ථානයේ අධ්‍යක්ෂ විද්‍යාජෝති මහාචාර්ය චන්ද්‍රා වික්‍රමසිංහ මහතා මෙසේ පැවසීය.

ප්‍රදේශ කිහිපයකට අදත් කහ වැසි - sri lanka yellow Rain

පසුගිය දින කිහිපයේ සිට දිවයිනේ ප්‍රදේශ කිහිපයකින් රතු වැසි සහ කහ වැසි වාර්තා වූ අතර එහි ආසන්නතම සිද්ධිය අද පෙරවරුවේ මින්නේරිය ප්‍රදේශයෙන් වාර්තා විය.

අද පෙරවරු 8.30 ට පමණ මින්නේරිය දහසය හමාර ප්‍රදේශයට කහ වැස්සක් ඇදහැළුණු බව ප්‍රදේශවාසීහු ප්‍රකාශ කළහ.

ඔවුන් පැවසුවේ විනාඩි 15 ක පමණ කාලයක් කහ වැස්ස පතිත වූ බවය.

දඹුල්ලට රතු,කහ සහ සුදු වැසි සමග මාළු ! Colourful Rain in Dambulla

දඹුල්ලේ පළාත් කිහිපයකට අද (23) උදේ 10 සිට 10.30 පමණ දක්වා කහ සහ රතු වැසි සමග මාලු වැස්සක් ද ඇද වැටී ඇත. දඹුල්ල, ඇඹුල්අඹේ සහ කළුන්දෑව ප්‍රදේශවලට මුලින්ම සුදු වැස්සක් වැටී ඇත.


 ගෙවල් ඉදිරිපිට වැසි ජලය එකතු කරන්නට තබා ඇති භාජනවලට එකතු වන ජලය මොහොතකින් කහ පැහැයට හැරී ඇත. දඹුල්ල, පන්නම්පිටියට ඇද හැලී ඇත්තේ රතු වැස්සකි.

ඒ ආසන්නයේ පිහිටි නාවුල, නිකුල නැමැති පළාතට ජීවි මසුන් වැස්සක් ඇද වැටී තිබේ. රසායනික අවි පිළිබඳ ජාතික අධිකාරිය රටේ තැනින් තැනට ඇද වැටෙන මෙබඳු වැසි ගැන පුළුල් පරීක්ෂණයක් පවත්වන්නට තීරණය කර ඇත.

වැල්ලවායේ පිංකම නිමා වෙද්දි රතු ආලෝකයක් අහසින් යයි

වැල්ලවාය මාධ්‍ය ඒකකය මගින් ඊයේ (21) දිනයේ දී වැල්ලවාය නගරයේ බෞද්ධ මන්දීරය අසල ලෝක විනාශය වෙනුවෙන් ලංකාවාසි සැමට සෙත්පතා ස්වාමීන් වහන්සේලා 136 නමක් ඇතුළු පන්සල් 35ක නායක ස්වාමීන් වහන්සේලාගේ සහභාගිත්වයෙන් මහා සෙත් පිරිත් සජ්ඡායනාවක් හා බෝධි පූජා පිංකමක් පවත්වන ලදි. එයට මහා සංඝ රත්නය ඇතුළු විශාල පිරිසක් සහභාගී වූහ. එම බෝධි පූජාව නිමා වීමත් සමගම ඉහළ අහසේ රතු පැහැති ගිනි ගුලියක් නැගෙනහිර අහසේ සිට බස්නාහිර දෙසට ඉතා වේගයෙන් ගමන් කරන අයුරු රැස්ව සිටි ස්වාමීන් වහන්සේලා සහ සෙසු බැතිමතුන්ට පැහැදිලිව දකින්නට ලැබිණ.

රතුපාට වැස්ස වඳුරඹට පෙදෙස් කිහිපයකට

ගාල්ල වඳුරඹ පෙදෙස් කිහිපයකට අද (17) මිනිත්තු 15ක් පමණ ලා රතුපාටට හුරු වැසි වැටුණු බව වාර්තා වේ.

මේ අතර, මහනුවර, නුවරඑළිය, බදුල්ල සහ මාතලේ දිස්ත්‍රික්කවලට පවත්නා දැඩි වර්ෂාපතනය ඉදිරි පැය 24 තුළද පැවැතියහොත් එම ප්‍රදේශවල නායයාම්, ගල් පෙරළීම් වැනි ආපදා සිදුවිය හැකි බව ජාතික ගොඩනැගිලි ද්‍රව්‍ය පර්යේෂණ සංවිධානය පැවසීය.

එම ප්‍රදේශවල වෙසෙන ජනතාවට මේ පිළිබඳව දැඩි අවධානයෙන් පසුවන ලෙස ද ඔවුන් දන්වා සිටී.

කවුරුත් නොදැකපු ගලක් කවඩි ඇල්ල ගම්මානයේ නිවසක මිදුල

කෝමාරීක ගොවි ජනපදයේ කවඩිඇල්ල ගම්මානයේ නිවසක මිදුලකට ඊයේ (15 දා) සවස 2. 00 ට පමණ නාඳුනන හුණු ගල් කැටයක්‌ වැනි වස්‌තුවක්‌ පතිත වී ඇත.
මීගහකිවුල කවඩිඇල්ල ගම්මානයේ ඩී. එම්. චන්ද්‍රසේන මහතාගේ නිවසේ මිදුලේ වැටී තිබී මෙම නාඳුනන වස්‌තුව හමුවී ඇතැයි ප්‍රදේශවාසීහු කියති. හුණු ගලකට සමාන හැඩයකින් යුත් මෙම ගල් කැටය අහසින් කඩා වැටුණු උල්කාපාත කොටසක්‌ යෑයි ප්‍රදේශයේ ජනතාව සැක කරති. ග්‍රෑම් 750 ක පමණ බරින් යුතු මෙම නාඳුනන වස්‌තුව ලා කලු පැහැයට හුරු දුඹුරු පැහැයකින්a යුතු අතර එහි මතුපිට රළු බවක්‌ දක්‌නට ඇත .

අද්භූත එළියක් නාසා කැමරාවේ

ඇමෙරිකාවේ ටෙක්සාස්හි හුස්ටන් නගරයට කඩා වැටෙන ගිණි ජාලාවකට හා සමාන අත්භුත ආලෝකයක් ඇමෙරිකාවේ ඇමෙරිකාවේ ජාතික ගුවන් හා අජඨාකශා ගගන අයතනය (නාසා) ආයතනයේ වීඩියෝ කැමරාවන්ගේ සටහන් වී ඇත. ඵම ගින්න පැයට කිලෝමිටර් 800ක පමණ වේගයකින් ගමන් ගත්තේය.
මේ අතර චිනයේ සංචාරයක යෙදෙනු වීදෙශිකයින් පිරිසකට ඵරට පසුගියදා ඉහල අහසේ පාවෙන ආලෝක ධාරා කිහිපක් දැකගැනිමට හැකි වීය.

ආසනික් හදන්නේ රතු වැස්ස හරහා පිටසක්වල ජීවියෙක්, Sri lanka Red rain

රතු වැස්සේ ජල සාම්පල වැඩිදුරටත් පරීක්ෂා කිරීමේදී එහි බහුලව ආසනික් හා රිදී අඩංගු බවට තහවුරු වූ බව ජාතික තාක්ෂණික ආයතනයේ පවසයි.

දිවයිනේ ප‍්‍රදේශ කිහිපයක ඇද හැලූණු රතු වැස්සේ ජල සාම්පල වෛද්‍ය පර්යේෂණ ආයතනය මගින් පරීක්ෂාවට ලක් කළ බවත් ඉන් අනතුරුව වැඩිදුර පරීක්‍ෂණ සඳහා නනෝ තාක්ෂණික ආයතනයේදී පරීක්ෂණ සිදු කළ බවත් ඔහු සඳහන් කළේය.

හඳුනා නොගත් ආලෝක ධාරාවන් බ‍්‍රහස්පතිගේ - Dr. Chandana Jayaratne

බොහෝ දෙනාට මේ දිනවල අහසේ දර්ශනය වූ බව පැවැසෙන ආලෝක ධාරාවන්ගෙන් 90%ක් පමණම බ‍්‍රහස්පති ග‍්‍රහලෝකයෙන් නිකුත් කෙරෙන ආලෝක ධාරාවන් බව තාරකා විද්‍යාඥ, කොළඹ විශ්වවිද්‍යාලයේ භෞතික විද්‍යා අංශයේ මහාචාර්ය, චන්දන ජයරත්න මහතා පැවැසීය.

ඒ සම්බන්ධයෙන් ඉකුත් දිනවලදී කෙරුණු පරීක්‍ෂණවලදී මේ බව පැහැදිලි වූ බවද මහාචාර්ය ජයරත්න මහතා කියයි.

හඳුනානොගත් ආලෝකයන් පිළිබඳව ශ්‍රී ලංකා ගුවන් හමුදාව අවධානයෙන්- Unidentified flying objects in sri lanka

දිවයිනේ ප්‍රදේශ රැසකින් දිස්වූ හඳුනානොගත් ආලෝකයන් පිළිබඳව ද පැය 24 පුරා අවධානයෙන් පසුවන බව ශ්‍රී ලංකා ගුවන් හමුදාව පවසයි.
එහි මාධ්‍ය ප්‍රකාශක වින්ග් කමාන්ඩර් ශිරාෂ් ජලාල්ඩීන් මහතා පැවසුවේ මෙතෙක් කිසිඳු හඳුනානොගත් යානාවක් තම රේඩාර් පද්ධතියට නිරීක්ෂණය වී නොමැති බවය.

දිවයිනේ ප්‍රදේශ 3කින් හඳුනානොගත් ආලෝක දක්නට ලැබුණු බවට වාර්තා විය.
ඒ අනුව තණමල්විල, හම්බේගමුව ජනපදයට ඉහළින් ඊයේ රාත්‍රී 8.30ට පමණ හඳුනානොගත් ආලෝකයක් දිස්වී තිබේ.

ඉරණවිල කියන්නේ පිටසක්වළ ජීවින්ගේ ප්‍රධාන ගුවන් පථයයි , Will there be an alien attack on earth ?

 පිටසක්වළ ජීවීන්ගෙන් ළඟදීම පෘථිවියට ප්‍රහාරයක් ?
පිටසක්වළ ජීවින් යනුවෙන් හඳුන්වන අපේ ග්‍රහ වළල්ලට එහා ලෝකවල වාසය කරන ජීවී විශේෂය පිළිබඳ මෑතක සිට මාධ්‍ය තුළින් කතාබහට ලක් වෙමින් තිබේ.

පෘථිවියෙහි වාසය කරන ජීවීන් වෙනත් ග්‍රහ ලෝක පිළිබඳ අධ්‍යයනයට යොමුව ඇත්තේ දශක ගණනාවකට පෙරය. එසේම පිටසක්වළ වාසය කරන ජීවීන්ද පෘථිවිය ඇතුළු අනිකුත් ග්‍රහ ලෝක නිරීක්‍ෂණයේ යෙදී තිබෙන බවට යම් යම් සිද්ධීන් ලෝකය පුරා වාර්තා විය.