කපිලවස්තු නුවර සිට වැඩමකරවන ලද ශ්‍රී සර්වඥ ධාතූන් වහන්සේලා ලබන 8 වනදා දහවල් 12 සිට කොළඹ ගංඟාරාම විහාරස්ථානයේදී වන්දනාමාන කරගත හැකි බව විහාරවාසී කිරින්දේ අස්සනජි හිමියන් පවසති.
එහිදී එම සර්වඥ ධාතු ප්‍රදර්ශනය ලබන 10 වනදා පස්වරුව දක්වා සිදුකෙරේ.
ධාතූන් වහන්සේලා වන්දනාමාන කිරීම සඳහා පැමිණෙන සැදැහැවතුන් වෙනුවෙන් දොරටු දෙකක් විවෘත කරන තබන බවත් හැකිතරම් සුදු පැහැ වස්ත්‍රාභරණයෙන් සැරසී පැමිණෙන්නේ නම් වඩාත් සුදුසු බවත් අස්සනජි හිමියෝ පවසති.
බඩු බාහිරාදියෙන් තොරව පැමිණෙන්නේ නම් යහපත් බවත් සැදැහැවතුන් වෙනුවෙන් අවශ්‍ය පානීය ජලය හා ආහාර සැපයීමටද සංවිධායක මණ්ඩලය කටයුතුකොට ඇති බවත් උනවන්සේ වැඩි දුරටත් දන්වති.