අන්තර්ජාතික කි‍්‍රකට් සභාව විසින් මෙහෙයවනු ලබන ලෝක මට්ටමේ තරගාවලි සඳහා ශී‍්‍ර ලංකා කණ්ඩායමේ නිල අනුග‍්‍රාහකයන් වශයෙන් ඉන්දියාවේ සුප‍්‍රකට දේපළ අළෙවි සමාගමක් වන ‘හෝම්ස්ටෙඞ්’ සමාගම ඉදිරිපත් වී සිටී. ද්විපාර්ශ්වික තරගාවලි සඳහා ශී‍්‍ර ලංකා කණ්ඩායමේ නිල අනුග‍්‍රාහකයන් වශයෙන් ශී‍්‍ර ලංකාවේ ප‍්‍රධානතම ජංගම දුරකතන සමාගමක් තවදුරටත් කටයුතු කරන නමුත් අන්තර්ජාතික කි‍්‍රකට් සභාවේ වාණිජ සහකරුවන් අතර ජංගම දුරකතන සමාගමක්ද සිටින බැවින් ලෝක මට්ටමේ තරගාවලි සඳහා ශී‍්‍ර ලංකා කණ්ඩායමට වෙනත් අනුග‍්‍රාහකයකු සොයා ගැනීමට සිදුවිය.
වසර තුනක කාලයක් සඳහා බලපැවැත්වෙන ‘හෝම්ස්ටෙඞ්’ සමාගමේ අනුග‍්‍රහය යටතේ ශී‍්‍ර ලංකා කණ්ඩායම සහභාග වන පළමු වැනි ලෝක මට්ටමේ තරගාවලිය වන්නේ මේ මස 18 වැනිදා ශී‍්‍ර ලංකාවේදී ආරම්භ වන විස්සයි-20 ලෝක කුසලාන තරගාවලියයි. ඉන් අනතුරුව ලබන වසරේදී එංගලන්තයේදී පැවැත්වෙන ශූරයන්ගේ කුසලාන තරගාවලියට සහ 2013 දී බංග්ලාදේශයේදී පැවැත්වෙන විස්සයි-20 ලෝක කුසලාන තරගාවලියටද ශී‍්‍ර ලංකා පිල ‘හෝම්ස්ටෙඞ්’ අනුග‍්‍රහය යටතේ සහභාගි වෙයි.