නවසීලන්ත පන්දු බලඇණිය ශක්තිමත් කිරීමට මුරලි සහ වාස් සහය

නවසීලන්ත ක‍්‍රිකට් කණ්ඩායමේ පන්දු යවන ක්‍රීඩකයන් ශක්තිමත් කිරීම සඳහා ශ‍්‍රී ලංකා ක‍්‍රිකට් කණ්ඩායමේ සිටි සුපිරි පන්දු යවන්නන් දෙදෙනෙකු වන මුත්තයියා මුරලිදරන් සහ චමින්ද වාස්ගෙන් උදව් ලබාගැනීමට එරට ක‍්‍රිකට් බලධාරීන් බලාපොරොත්තු වේ.

ශ‍්‍රී ලංකාව සහ නවසීලන්තය අතර පන්දු වාර20-20 තරඟයක් මේ මස 30 වැනිදා පල්ලෙකැලේ ක‍්‍රීඩාංගණයේදී පැවැත්වේ.

එම තරඟයට පෙර නවසීලන්ත කණ්ඩායමේ පන්දු යවන්නන් ශක්තිමත් කිරීම සඳහා මුරලිගේ සහ වාස්ගේ සහය ලබාගැනීමට එරට ක්‍රිකට් බලධාරීන් බලාපොරොත්තු වේ.

දැනට නවසීලන්ත කණ්ඩායමේ පන්දු යවන්නන්ගේ පුහුණුකරු ලෙස කටයුතු කරන්නේ ෂේන් බොන් ය.

ශ‍්‍රී ලංකාව සහ නවසීලන්තය අතර පන්දු වාර 20-20 තරඟයට අමතරව එක්දින තරඟ 5 ක් සහ ටෙස්ට් තරඟ දෙකක් පැවැත්වීමට නියමිතව ඇත.