ළමයි 12 යි, වැඩිහිටියන් 2 යි, ඔක්කොම 14 යි.
පෙර පාසල් සිසුන් 12 දෙනෙකු, වැඩිහිටි කාන්තාවක් හා රියදුරාද ඇතුළුව 14 දෙනෙකු ගමන් කළ ත්‍රීරෝද රථයක් මාතලේ කවටයාමුණ රජමහා විහාරය ඉදිරිපිටදී මහවෙල පොලිස් ස්ථානයේ නිලධාරීන් විසින් අත්අඩංගුවට ගෙන තිබේ.ත්‍රීරෝද රථයේ රියදුරු ආසනයේ එක් ළමයෙකු ද, භාණ්ඩ පටවන කොටසේ ළමුන් දෙදෙනෙකු ද යනාදී වශයෙන් එම ත්‍රීරෝද රථයේ නංවාගෙන රියදුරා විසින් ප්‍රදේශයේ පෙර පාසලකට ඔවුන් රැගෙන යමින් සිටියදී අද (30) පෙරවරු 8.00ට පමණ අත්අඩංගුවට ගත් බව මහවෙල පොලීසිය කියයි.
සිද්ධිය සම්බන්ධයෙන් ත්‍රීරෝද රථයේ රියදුරු අත්අඩංගුවට ගෙන අද අධිකරණයට ඉදිරිපත් කර තිබේ.
ත්‍රීරෝද රථයක පිටිපසු අසුනේ මගීන් තිදෙනෙකුට පමණක් යා හැකි බවට වන නීතිය නොසලකා තවදුරටත් ඇතැම් රියදුරන් ක්‍රියාකරන බව පොලීසිය පවසයි.
ඒ අනුව එවැනි රියදුරන් නීතිය හමුවට පමුණුවන බව ද පොලීසිය අවධාරණය කරයි.