එම ගෑස් වායුව විෂ වීම නිසා මෙලෙස සේවකයින් දෙදෙනෙකු මියගොස් තවත් 7 දෙනෙකු රෝහල්ගත කර ඇතැයි ඛනිජ තෙල් කර්මාන්ත අමාත්‍ය සුසිල් ප්‍රේමජයන්ත මහතා පවසයි.
මෙම සිද්ධියෙන් බලවත් ලෙස රෝගාතුර වු සෙසු සේවකයින් තිදෙනෙකු කොළඹ ජාතික රෝහලට ඇතුළත් කර ඇතැයි ද ඔහු සඳහන් කරයි.
මෙලෙස මියගොස් ඇත්තේ සපුගස්කන්ද පිරිපහදුවේ සේවය කළ විල්ප්‍රඩ් හා ධර්මසිරි පෙරේරා නැමැති දෙදෙනෙකි.
එක් අයෙකුගේ සිරුරු මේ වන විට කිරිබත්ගොඩ රෝහලේ ද අනෙක් පුද්ගලයාගේ සිරුර කොළඹ ජාතික රෝහලේ ද තැන්පත් කර ඇතැයි හෙතෙම සඳහන් කළේය.
මෙය කිසිදු කඩාකප්පල්කාරි ක්‍රියාවක් නොවන බවත් ගෑස් නලයක අලුත්වැඩියාවක් කරමින් සිටියදී මෙය සිදුව ඇතැයි ද පැවසුවේය.
සපුගස්කන්ද තෙල් පිරිපහදුවේ කලාප අංක 1 නැමැති ස්ථානයේ සේවය කළ පිරිසක් මෙම අනතුරට මුහුණ පා තිබේ.
එහිදි රෝගාතුර වු තවත් කිහිපදෙනෙකු අදාළ ස්ථානයේම ඇති වෛද්‍ය මධ්‍යස්ථානයකින් ප්‍රතිකාර ලබන බව ඔහු පැවසුවේය.