2013 වසර සදහා ජනපති අද අද-වැය ගෙනේ

ජනාධිපති මහින්ද රාජපක්‍ෂ මහතා මුදල් ඇමැතිවරයා ලෙස අද (8දා) පාර්ලිමේන්තුවට ඉදිරිපත් කරන ඉදිරි වසරේ රජය ක්‍රියාත්මක කිරීමට අපේක්‍ෂිත සංවර්ධන වැඩසටහන් හා සැලැසීමට යෝජිත සහන ආදිය ඇතුළත් වන 2013 අය-වැය සුවිශේෂී අය-වැයක් වනු ඇතැයි මුදල් අමාත්‍යංශ ආරංචි මාර්ග සඳහන් කරයි.
ජනාධිපති මහින්ද රාජපක්‍ෂ මහතා 2013 වසර සඳහා වන සැලැසුම් සහ යෝජනා ඇතුළත් අය-වැය ලේඛනය අද (8දා) පස්වරුවේ යෙදෙන සුබ මොහොතින් ඉදිරිපත් කිරීමට නියමිතය.

අද පස්වරු 12.50ට පාර්ලිමේන්තුව කතානායක චමල් රාජපක්‍ෂ මහතාගේ ප්‍රධානත්වයෙන් රැස්වූ පසු ජනාධිපතිවරයා සුබ මොහොතින් අය-වැය ඉදිරිපත් කරනු ඇත.
නිදහස් ලංකාවේ හැටහත්වැනි අය-වැය වශයෙන් අද ඉදිරිපත් කරන අය-වැය වාර්තා ගතවේ.

මහින්ද රාජපක්‍ෂ ජනාධිපතිවරයා අද ඉදිරිපත් කරන්නේ සිය හත්වැනි අය-වැයයි. ජනාධිපති හා මුදල් ඇමැතිවරයා ද වශයෙන් මහින්ද රාජපක්‍ෂ මහතා ප්‍රථමයෙන්ම ඉදිරිපත් කෙළේ 2006 වසර සඳහා අය-වැයයි.

ඉකුත් ඔක්තෝබර් මස 9 වැනිදා පාර්ලිමේන්තුවට ඉදිරිපත් කරන ලද විසර්ජන පනත් කෙටුම්පත අනුව 2013 වර්ෂය සඳහා රජයේ සේවා පිළිබඳ රුපියල් බිලියන එක්දහස් තුන්සියතිස්පහකි. ණය වශයෙන් ලබා ගැනීමට අපේක්‍ෂිත මුදල රුපියල් බිලියන එක්දහස් දෙසියඅනූපහකි. ඒ අනුව රුපියල් බිලියන විස්සක හිඟයක් පෙන්නුම් කරයි.
අය-වැය නිමිත්තෙන් පාර්ලිමේන්තුවේ විශේෂ ආරක්‍ෂක වැඩපිළිවෙළක්ද ක්‍රියාත්මක වේ