අනුරාධපුර ආබාධ සහිත දරුවන්ගේ පාසලේ ඉගෙනුම ලබන අර්ධ අන්ධ භාවයෙන් පෙළෙන දැරියන් සිවු දෙනෙකුට ලිංගික අතවර කළ එම පාසලේම ගුරුවරුන් දෙදෙනෙකු මෙම මස 21 වන දින දක්වා රක්ෂිත බන්ධනාගාර ගත කිරීමට අනුරාධපුර ප‍්‍රධාන මහේස්ත‍්‍රාත් අතිරේක දිසා විනිසුරු රුවන්දිකා මාරපන මහත්මිය අද නියෝග කළාය.
රක්ෂිත බන්ධනාගාර ගත කෙරුණු ගුරුවරුන් දෙදෙනාද අර්ධ අන්ධ භාවයෙන් පෙළෙන්නන්වේ.
වයස අවුරුදු 11, 14 සහ 17 යන වයස්වල පසුවන දැරියන් සිවු දෙනෙකු මෙලෙස අතවරයට ලක්ව තිබේ.
ගුරුවරුන් දෙදෙනා තමන්ට අතවර කරන බව එම දැරියන් බ්‍රේල් ක‍්‍රමය ඔස්සේ තම පාසලේ පාලක සභාවට දැනුම් දී ඇති බව අධිකරණයේදී හෙළිවිය.
පාලක සභාව ඒ පිළිබදව ළමාරක්ෂක අධිකාරියේ විශේෂ පොලිස් විමර්ශන ඒකකයට දැනුම් දී තිබෙන අතර, පසුව එම ඒකකය හා අනුරාධපු පොලීසිය එක්ව සැකකරුවන් අත්අඩංගුවට ගෙන ඇත.