ශ්‍රී ලංකා කණ්ඩායම සහ ඔස්ට්‍රේලියානු කණ්ඩායම අතර පැවැත්වෙන 5 වන හා අවසාන එක්දින තරඟයේ ජයග්‍රහණය ඕස්ට්‍රෙලියානු කණ්ඩායමට හිමිවිය.
පළමුවෙන් පන්දුවට පහරදුන් ඔස්ට්‍රේලියානු කණ්ඩායම නියමිත පන්දුවාර 50 අවසානයේ දී කඩුලු 5 ක් දැවී ලකුණු 247 ක් රැස්කර ගත්තේය.
හෝබාර්ට්හිදී පැවති මෙම තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දුවට පහරදීමට ඔස්ට්‍රේලියානු කණ්ඩායමට ඇරයුම් කළේය.ඒ අනුව පළමුවෙන් පන්දුවට පහරදුන් ඔස්ට්‍රේලියානු කණ්ඩායම ශ්‍රී ලංකා කණ්ඩායම හමුවේ තැබූ ඉලක්කය ලකුණු 248 කි.
කෙසේ නමුත් ඉක්බිතව පිටියට පිවිසි ශ්‍රී ලංකා කණ්ඩායම ලකුණු 215 ට සියලුම කඩුලු දැවීයාමෙන් පරාජයට පත්විය.
මෙම අවසන් එක්දින තරගයෙදි තිලකරත්න දිල්ශාන් එක්දින ලකුණු 7000 සීමාව පසු කිරීමට සමත් විය මෙම සීමාවට අවශ්‍යව තිබු ලකුණු 13 ලබාගනිමින් තිලකරත්න දිල්ශාන් සිය ක්‍රිකට් දිවියේ එක්දින ලකුණු 7000 සීමාව පසු කළේය .
