2050 වනවිට මෙරට පුද්ගලයින්ගෙන් හරි අඩක් දියවැඩියා රෝගයට ගොදුරුවීමේ අවධානමක් පවතින බව සෞඛ්‍ය අමාත්‍යාංශය පවසයි. මේ වනවිට බෝ නොවන රෝග මෙරටට බරපතළ තර්ජනයක් එල්ල කර ඇති බව සෞඛ්‍ය අමාත්‍යංශය සඳහන් කළේය.
බෝ නොවන රෝග අතර ප්‍රධාන තැනක් ගන්නා රෝගයක් වන්නේ දියවැඩියාව රෝගය බව ද එම අමාත්‍යංශය පැවසීය. මේ වනවිටත් පාසල් දරුවන්ගෙන් 10%-15% ත් අතර ප්‍රමාණයක් දියවැඩියාව රෝගයට ගොදුරුවෙමින් පවතින බව ද සෞඛ්‍ය අමාත්‍යංශය පවසයි. බෝ නොවන රෝගවලින් දිනකට පුද්ගලයින් 650 ක් පමණ මරණයට පත්වන අතර තවත් විශාල පිරිසක් විවිධ රෝගාබාධවලට ලක්වන බව සඳහන්ය. මෙම තත්ත්වයන් සැලකිල්ලට ගෙන මෙම වසර බෝ නොවන රෝග වැළැක්වීමේ වර්ෂය වශයෙන් නම් කොට තිබේ.