ජිප් රථයක පටවා කොළඹට ප‍්‍රවාහන කරමින් තිබුණු රුපියල් ලක්‍ෂ 50 කට අධික වටිනාකමක් ඇති ගංජා තොගයක් සමග සැකකරුවෙක් අත්අඩංගුවට ගැනීමට මොණරාගල විශේෂ පොලිස් වැටලීම් ඒකකයේ නිලධාරීන් අද (07) අලූයම සමත්විය. තණමල්විල සිට රැගෙන යමින් තිබුණු මෙම ගංජා තොගයේ ගංජා කිලෝ 26ක් පමණ තිබී ඇත.
තණමල්විල මහවැව ප‍්‍රදේශයේදි ජිප් රථය පරීක්‍ෂා කිරීමේදි ගංජා තොගය හමුවූ බව පොලිසිය කියයි. සැකකරු සෙවනගල කිරිඉබ්බන්වැව ප‍්‍රදේශයේ පදිංචි 29 හැවිරිදි අයෙකි. මෙම ජාවාරම දේශපාලන සම්බන්ධකම් ඇතිව සිදුකරණ බව අනාවරණය වී තිබේ. සැකකරු ගංජා තොගය සමග අධිකරණ කටයුතු සදහා තණමල්විල පොලිසියට භාරදී තිබේ.
