ලියාපදිංචි නොකරන එමි " IMEI "අංක සහිත ජංගම දුරකථන අවහිර කරන්න යයි

 Unregistered Mobile Phones will be automatically blocked
ජංගම දුරකථනවල එමි අංක හඳුනාගැනීමේ මධ්‍යගත ලියාපදිංචි පද්ධතියක් ආරම්භ කිරීමට විදුලි සංදේශ නියාමන කොමිසන් සභාව කටයුතු යොදා තිබේ.එහි අධ්‍යක්ෂ ජනරාල් අනූෂ පැල්පිට මහතා පැවසුවේ, එම විද්‍යුත් ක්‍රමය යටතේ, ලියාපදිංචි නොකරන ලද ජංගම දුරකථන ස්වයංක්‍රීයවම අවහිර කිරීමට හැකියාව ලැබෙන බවය.

පරිගණක ජාලගත එම ක්‍රමය හඳුන්වාදීම සදහා දැනටමත් ටෙන්ඩර් කැදවා ඇති බව ද ඔහු සඳහන් කළේය.ඊ.අයි.ආර් ලෙස හැඳින්වෙන එම මධ්‍යගත පද්ධතිය හඳුන්වාදී යම් කාලසීමාවකින් පසු, ලියාපදිංචි නොකරන ලද එමි අංක සහිත ජංගම දුරකථන අවහිර කෙරෙනු ඇති.

අනුෂ පැල්පිට මහතා පැවසුවේ, දැනට වසරකට ජංගම දුරකථන මිලියන 5 ත් 6 ත් අතර ප්‍රමාණයක් මෙරටට ගෙන්වන බවය.

ඉන් සියයට 50 ත් 40 ත් අතර ප්‍රමාණයක් විදුලි සංදේශ නියාමන කොමිෂන් සභාව යටතේ ලියාපදිංචි නොකරන ලද, තත්ත්වයෙන් බාල ජංගම දුරකථන බවද ඔහු සඳහන් කළේය.

පැල්පිට මහතා පැවසුවේ, මෙරටට ගෙන්වන සෑම ජංගම දුරකථනයක්ම එමි අංක, විදුලි සංදේශ නියාමන කොමිසමේ ලියාපදිංචි කළ යුතු බවය.