එම නීති විරෝධී ගබ්සා මධ්‍යස්ථානය සම්බන්ධයෙන් උතුරුමැද පළාත් නියෝජ්‍ය පොලිස්පති රංජිත් පද්මසිරි මහතාට ලද තොරතුරකට අනුව ඒ මහතාගේ උපදෙස් මත අනුරාධපුර පොලිසියේ විශේෂ අපරාධ විමර්ශන ඒකකයේ පොලිස් පරීක්ෂක ඩී. එම්. ඩී. සී. දිසානායක මහතා ඇතුළු නිලධාරී කණ්ඩායමක් විසින් අනුරාධපුර මහෙස්ත්‍රාත් අධිකරණයෙන් ලබාගත් සෝදිසි වරෙන්තුවක් මත එය වටලා තිබේ.
මේ සඳහා අනුරාධපුර පොලිසියේ බුද්ධි අංශවල සහායද ලැබී ඇත.
ගබ්සා මධ්‍යස්ථානය පවත්වාගෙන ගිය අනුරාධපුර, අභයපුර, මධ්‍යම පන්තික නිවාස සංකීර්ණයේ පදිංචි විශ්‍රාමික සැරයන්වරයා ඊයේ (27 දා) අනුරාධපුර මහෙස්ත්‍රාත් අධිකරණය හමුවට ඉදිරිපත් කිරීමට නියමිතව තිබිණි.
මේ පිළිබඳව උතුරුමැද පළාත භාර නියෝජ්‍ය පොලිස්පති රංජිත් පද්මසිරි, අනුරාධපුර පොලිස් අධිකාරි මහේෂ් සේනාරත්න හා අනුරාධපුර සහකාර පොලිස් අධිකාරි සේනාරත්න යන මහත්වරුන්ගේ අධීක්ෂණය යටතේ අනුරාධපුර මූලස්ථාන පොලිස් පරීක්ෂක තිස්ස විතානගේ මහතාගේ මෙහෙයවීමෙන් විශේෂ අපරාධ විමර්ශන ඒකකයේ පොලිස් පරීක්ෂක ඩී. එම්. ඩී. සී. දිසානායක මහතා ඇතුළු නිලධාරීහු වැඩිදුර පරීක්ෂණ පවත්වති.