ඔබ කිසිවක්‌ කිව යුතු නැත. ඔබ කව්ද? ඔබේ අනාගතය සතුටුදායකද? නැද්ද? යන්න පිළිබඳව බොහෝ දේ ඔබේ ඇඳුමේ ලියෑවී තිබේ. මෙය විහිළුවක්‌ හෝ අද්භූතජනක කතාවක්‌ නෙවේ. අපි කවුරුත් ඇඳුම් තෝරන්නේ අප කැමැති පාට අනුවය. පාට හෙවත් වර්ණ වලින් බොහෝ දේ කිව හැකිය.
පරිසරයේ ඇති සමානකම් දක්‌වන දේවල් සමාන වර්ණයන්ගෙන් යුක්‌තය. උදාහරණයක්‌ වශයෙන් සෑම ශාකයකම පාහේ පත්‍ර කොළ පාටින් යුක්‌තය. සෑම මිනිසකුගේම රුධිරය රතුපාට වන අතර ලෝකයේ ඕනෑම තැනක පිරිසිදු ජලය අවර්ණය. මුහුදු ජලය නිල් පාටය. කෙස්‌ කළුපාට වන අතර විරෝධය පෑමට කළු කොඩිද, විප්ලවයට රතු කොඩි ද ඔසවනු ලැබේ. මව්කිරි සුදුÊපාටය. කුමක්‌ දහනය කළ ද දුම් ධූමවර්ණය යෑයි හැඳින්වේ. වර්ණ හතක්‌ සංකලනය වීමෙන් හිරුඑළිය සෑදී ඇත.
ජ්‍යෙතිෂයේදී ග්‍රහයන් නව දෙනාට වර්ණ ද වෙන්කර දී තිබේ. යම් ග්‍රහයකු විසින් පෙන්වන ගතිගුණ ද වර්ණද ඊට අයත් ජන කොට්‌ඨාශය නැතහොත් එම ග්‍රහයාට හිමි ජනයා විසින් අඳින බව දැකිය හැකිය. මේ පිළිබඳව විමසා බැලීම කුතුහලය දනවන සුළු රසවත් කාරණයකි.
සූර්ය හෙවත් රවි ගේ වර්ණය දිලෙන සුදු වර්ණයයි. සූර්යා ග්‍රහ මණ්‌ඩලයේ රජු වශයෙන් හැදින්වෙන අතර ප්‍රධානත්වය නායකත්වය, ආරම්භක හැකියාව, ආලෝකය ආදිය හිරුගෙන් නිවේදනය වේ. මේ අනුවම නායකත්වය, දරන ජනාධිපති ඇමැති ආදි විවිධ නායක තනතුරු දරන්නෝ දිලෙස සුදු වස්‌ත්‍ර භාවිත කරති. පෙරදිග බොහෝ රටවලට මෙය පොදුය. මේ අනුවම ඔබ දිලෙන සුදු පාටට කැමති නම්ද එය භාවිත කරයි නම්ද ඔබ තුළ නායකත්ව ගුණාංග ඇති බව ද, ප්‍රධානත්වයට සුදුසු බව ද, ආත්ම ගෞරවය ඉතා උසස්‌ කොට සලකන බවද සන්නිවේදනය කෙරේ. එය එසේ නොවන්නේ දැයි ඔබ අවට එම වර්ණය භාවිත කරන අය දෙස බලා නිරීක්‍ෂණය කරන්න.
සිකුරුට විචිත්‍ර වර්ණය අයත්ය. සිකුරු අධිපති වන්නේ කාමයට වන අතර සංගීතය, නාට්‍ය, නැටුම්, කවි, චිත්‍ර, චිත්‍රපට, පෙම්වතුන්, තරුණ තරුණියන් සිකුරුට අයත් වේ. එමෙන්ම එවැනි අයද චිචිත්‍ර වර්ණ වලින් සැරසී සිටිනු දැකිය හැකිය. පාට කිහිපයකින් ඇඳුම් පැලඳුම් ආභරණ වලින් සැරසෙන අය තුල රාගික හැඟීම්, අන්‍යයන් ආකර්ශනය කර ගැනීමේ වුවමනාව, ආඩම්බරය, කාමුකබව පෙන්වයි. ලෝකයේ ඕනෑම රටක සෞන්දර්ය හා කලා කටයුතු කරන අය වෛර්ණයෙන් සැරසෙති.
ශනි හෙවත් සෙනසුරුට අයත් වන්නේ තද නිල්පාට හෙවත් කළු නිල් පාටයි. ශනි දුකට අධිපතිය. මෙහෙකරුවන්, කම්කරුවන්, දුක්‌විඳින ජනතාව මෙහි නිවේදනය කරයි. නිල්පාට දැකිය හැක්‌කේ හිස්‌ අහස්‌ කුස හෝ මුහුදු ජලයේය. නිල් පාට කළු පාට ඇඳුම් අඳින අය තුළ ද හිස්‌ බව, තනිකම, අඳුරු ආනගතයක පෙරනිමිති දැකිය හැකිය. සෙනසුරු ඒරාෂ්ටක අපලයක්‌ උදාවන විට බොහෝ අය තද නිල් පාට වර්ණ භාවිත කරන බව අපට අද දකින්නට තිබේ.
රාහුට අයත් වන්නේ ධූම වර්ණය හෙවත් අළුපාටයි. රාහු මත්ද්‍රව්‍ය, දුම් හා අදූරදර්ශි බව නිවේදනය කරයි. ඕනෑම දුමක්‌ මෙන්ම සිගරට්‌ දුම වැනි විශේෂ විෂ රසායනික ද්‍රව්‍ය සහිත දුම් ද හානිකරය. මෙම ධූම වර්ණය ඇඳුම් අඳින අය තුළ ද අදූරදර්ශී බව, නිෂ්ඵල ගමන්, නිෂ්ඵල වියදම්, හිතේ කලබල ගතිය නිවේදනය කරයි. දුම එකතැන රැඳවීම අපහසුය. එය නිතර විසිර යයි. එමෙන්ම දුම්වල වර්ණය වන අළු පාට ඇඳුම කැමැති අයට විවේචනයවක්‌ නැත. නිතර ගමනේ යෙදෙන්නට කරුණු උදා වේ. හිත එකඟකර ගැනීමට අපහසු වේ. මේ අනුව ශිෂ්‍ය ශිෂ්‍යාවන්ට නම් අළු වර්ණ ඉතා අශුභය.
කළු වර්ණය අයත් වන්නේ කේතු ග්‍රහයාටය. අඳුරට. මුල්ලට තල්ලුවන ගතිය, ඔත්පලවීම, විටමින් යකඩ ඌනතාවය නිසා ඇතිවන පෝෂණ ඌනතා හේතුවෙන් වැළඳෙන රෝග පාදවල ආබාධ කේතුට අයත් ය.
සඳුගේ වර්ණය සුදු පාටයි. රවි මෙන් දිලෙන සුදුපාට නොවේ. කාන්තාවන්, මව්වරුන්, ශාන්ත ගතිගුණ, සිල්වත්බව, පවිත්‍රබව, අංක 2, සඳුගේ වර්ණය සුදු පාටයි. රවි මෙන් දිලෙන සුදුපාට නොවේ. කාන්තාවන්, මවුවරුන්, ශාන්ත ගතිගුණ, සිල්වත්බව, පවිත්‍ර බව , අංක 2, සඳුගෙන් සංකේතවත් කරයි. මේ අනුව සුදුපාට අඳින අය එවැනි කාරුණික ගති ඇති, නැතහොත් එවැනි ජන කොට්‌ඨාශයන් නියෝජනය කරන අය වෙති. එනම් සිල්වතුන්, හෙදියන්, වෛද්‍යවරුන්, ශිෂ්‍ය ශිෂ්‍යාවන්, කතෝලික ආගමික, පූජකවරුන්,කන්‍යා සොයුරියන්, සිල් මෑණිවරුන් වැනි අය සුදුපාට තම වස්‌ත්‍රයේ වර්ණය ලෙස භාවිත කරති.
මේ අනුව සුදුපාට ඇඳුම් ඇඳීමට ප්‍රිය කරන අයද ශාන්ත, කරුණික ගතිගුණ ඇති අය බව වටහා ගත හැකි වේ. ඔබම නිරීක්‍ෂණය කර බලන්න.
කුජගේ වර්ණය රතු පාටයි. එඩිතරකම, නිර්භීතකම, සටන් කිරීම කුජට අයත් බව ජ්‍යෙdතිෂ නියමයයි. රුධිරය ද රතු පාටය. මරණයට කැප වූ අය රතුපාට වදමල් මාලා පළඳවා දං ගෙඩියට ගෙන ගිය බව කියෑවේ.
මේ අනුව රුධිරය දැකීමට ප්‍රියවන, (ලේ උණුවන) විප්ලවීය සටන්කාමියෝ රතුපාට අඳිති. රතු කොඩි ඔසවති. විප්ලවීය රතුපාටට මෙරටත්, ඇමරිකාවත්, චීනයක්‌ එක සේ සලකති. රතු කොතැනද, විප්ලවය එතැනය.
බුධ ගේ වර්ණය කොළපාටය. බුද්ධිමත් බව කථිකත්වය මෙන්ම බුද්ධිමතුන් ද නියෝජනය කරන ග්‍රහයා බුධ ය. මොලේ වැඩෙන්නට නම් කොළ වර්ග අනුභව කරන්නැයි වෛද්‍යවරු පවසති. එමෙන්ම ස්‌වාභාවික පරිසරය කොළ පාටට අයත් වන අතර රෝහල්වල තිර රෙදි ආදියද කොළ පාටින් යුක්‌ත වේ.
ගුරු ගේ වර්ණය කහ පාටයි. ගුරු ප්‍රඥාවට හා ධනයට අධිපති ලෙස ද අංක 5, බ්‍රහස්‌පතින්දා දිනය ආදියට ද අධිපති වේ. පෝෂණ ගුණය, සැපත ද ගුරුට අයත් ය. එමෙන්ම පරිප්පු, කඩල, තැඹිලි, බටර්, මාජරින්, කව්පි වැනි පෝෂණ ගුණය අධික ආහාර වර්ග කහ පාටින් යුක්‌ත වේ. තවද ප්‍රඥාව සොයා යන භික්‍ෂුන් වහන්සේලා, මෙහෙණින් වහන්සේලා බ්‍රාහ්මන පූජකවරු කහ පාට සිවුරු දරති. කහ තැඹිලි පාටට ඔබ ද කැමති නම් එවැනි ගුණාංග ඔබ තුළ ද පිහිටා ඇත. බොහෝ ධනවතුන් ලා කහ පාට ඇඳුම් දරනු දක්‌නට ලැබේ.
පරිසරය තුළ කළු පාට ඇත්තේ කුමන ස්‌ථාන වලදැයි සොයා බලන්න. හිසකෙස්‌, ටයර්, තාර පාර, කපුටා, පරණ යකඩ, මලකඩ, රාත්‍රිය, ලොම්, කළුපාට වස්‌ත්‍ර, හවරි, රැවුල ආදිය කළු පාටින් යුතු වන අතර, ඒ සියල්ල ප්‍රසන්න දේවල් නොවේ. මරණයට කැප වූ අයගේ දැස්‌ කළු රෙදි පටියකින් වසා බඳිනු ලැබේ. සමහරු අවමංගල උත්සවයට කළු පාට ටයි පටිය පළදින අතර, පුරුෂාධිපත්‍යයට යටත් වූ කාන්තාවෝ සිරුර වසා කළුපාට වස්‌ත්‍ර අඳිති. විරෝධතා දක්‌වන්නෝ කළු කොඩි ඔසවා විරෝධය පළ කරති.
මේ අනුව සියළුම වර්ණයන්ට වඩා කළු වර්ණය අශුභ බව පෙනේ. සමාජයේ කළු පාටට කැමැති අය සන්නිවේදනය කරන්නේ අපලයක්‌ අතළඟ බව ය. ඔවුහු උසස්‌වීම් නොලබන්නෝ ය. පෝෂණ ඌනතා ඇත්තෝය.
ඔබ උසස්‌ තත්ත්වයකට පත් වීමට කැමැති නම් කළුපාට ඇඳුම් අත්හින්න. ශාන්ත බව අගය කරනනේ නම් සුදු පාට ඇඳුම් භාවිතා කරන්න. ද්වේෂයෙන් මිදෙන්නට නම් රතුපාට ඇඳුම සමඟ එය කළ නොහැකිය. රතු ඇඳුම ඔබ රාගයට, කාමයට හා කෝපයට පොළඹවනු ඇත. ඔබ නොසන්සුන් නම්, අවිවේකී නම් අළුපාට ඇඳුම් ඉතා අශුභය. ඔබ ප්‍රඥාව, චිත්ත බලය, ලබා ගැනීමට අපේක්‍ෂා කරන්නේ නම්, කහ, තැඹිලි වර්ණ ශුභය. ඔබ අන්‍යයන්ට නායකත්වය දෙන දේශපාලනඥයකු නම්, නායකයකු නම් ඔබට දිලසෙන සුදු පාට හොඳින් ගැලපේ.
වර්ණ අපේ ජීවිතයට මොන තරම් බලපෑමක්‌ කරන්නේ දැයි තනිවම කල්පනා කරන විට ඔබට තවදුරටත් වැටහේවි.
ජ්‍යෙතිර්වේදී කෑගල්ලේ
සුනිල් කුමාර ගම්ලත්
සුනිල් කුමාර ගම්ලත්
උපුටා
ගැනීම - දිවයින