තම මවුපිය ගුරුවරුන් සමඟ කෞතුකාගාරය නැරඹීමට පැමිණි මේ සිසු සිසුවියෝ තරප්පු පෙළ දිගේ එහි දෙවැනි මහලට නැගීමේදී තරප්පු පෙළ ගැලවී ඔවුන් අඩි 40ක පමණ පහතට ඇද වැටී ඇත. අනතුර සිදුවන අවස්ථාවේ තරප්පු පෙළ මත සිසු දරු දැරියන් මෙන්ම ගුරු දෙගුරුන් 60ක් පමණ සිට ඇත.අනතුරින් පසු මේ සිසු දරු දැරියෝ කොළඹ මහ රෝහලේ හදිසි අනතුරු ඒකකයට ඇතුළත් කෙරිණි.රෝහල් ගත කළ තුවාලකරුවන්ට සුළු හා මධ්‍යම ප්‍රමාණයේ අනතුරු සිදුව ඇති බව කොළඹ ජාතික රෝහල් අධ්‍යක්‍ෂ වෛද්‍ය අනිල් ජාසිංහ මහතා ප්‍රකාශ කරයි.
මෙම හදිසි අනතුර හේතුවෙන් කොළඹ ජාතික කෞතුකාගාරය හෙට සිට තාවකාලිකව වසා දැමීමට කෞතුකාගාර පාලන අධිකාරිය තීරණය කර ඇත.
.bmp)
