ශ්‍රී ලංකාව වෙත විරෝධය පළ කිරීම සඳහා තම සිරුරට ගිනි තබාගත් තවත් තමිල්නාඩු වැසියකු ඊයේ (22 දා) පෙරවරුවේ චෙන්නායිහි රජයේ රෝහලේදී මිය ගොස් තිබේ.විසිඅට හැවිරිදි වික්‍රම් නමැති මේ පුද්ගලයා බ්‍රහස්පතින්දා (21දා) සවස සිය සිරුරට භූමිතෙල් වත්කරගෙන ගිනි තබා ගෙන තිබේ. සිරුරේ 80%ක් පිලිස්සුම් තුවාල සහිතව මොහු රෝහල් ගත කර තිබිණි.
රෙඩ්හිල් නමැති ප්‍රදේශයේ ශ්‍රී ලංකාවට එරෙහිව පැවැති විරෝධතා රැලියකදී ඔහු මෙසේ සිරුරට ගිනි තබා ගෙන ඇත. ගිනි තබා ගැනීමට පෙර ඔහු ඊළාම්වාදී සටන්පාඨ කියමින් කෑ ගසා ඇතැයි ඉන්දීය මාධ්‍ය වාර්තා කියයි. ශ්‍රී ලංකාවට එරෙහිව මීට කලින් නාම් තමිලර් පක්ෂ ක්‍රියාකාරිකයකු වන මනි නමැත්තෙක් සිරුරට ගිනි තබා ගෙන මිය ගියේය.
-සබැදි පුවත්- 1. ශ්‍රී ලංකා ජනපතිට විරෝධය පා තමිල්නාඩු වැසියකු ගිනි තබාගෙන