ප්‍රථම වරට සඳ මත පා තැබූ ගගනගාමීන් දෙදෙනා විසින් පෘථිවියට රැගෙන ආ පාෂාණ කොටස්‌වලින් ශ්‍රී ලංකාවට ලැබුණු පාෂාණ අම්පාරේ දැයට කිරුළ භූමියේදී ප්‍රදර්ශනය කෙරේ.1969 දී නීල් ආම්ස්‌ට්‍රොන් සහ එඩ්වින් ඕල්ඩි්‍රන් දෙදෙනා විසින් පාෂාණ කිලෝ 25 ක්‌ සඳෙන් රැගෙන එන ලදී.
ඇමරිකානු ගගනගාමීන් විසින් ගෙන එන ලද පාෂාණ කොටස්‌ එවකට ඇමරිකානු ජනාධිපති රිචඩ් නික්‌සන් මහතා විසින් එක්‌සත් ජාතීන්ගේ රටවල් 136 කට සුළු වශයෙන් පරිත්‍යාග කළ අතර එහිදී ශ්‍රී ලංකාවට ද කොටසක්‌ ලැබිණි.දැයට කිරුළ ප්‍රදර්ශන භූමියේ ජාතික උරුමයන් පිළිබඳ අමාත්‍යංශ විශේෂ ජංගම ප්‍රදර්ශන බස්‌ රථය තුළ මෙම පාෂාණ ප්‍රදර්ශනය කෙරේ.