සෝමරත්න දිසානායක මහතා විසින් අධ්‍යක්ෂණය කොට, රේණුකා බාලසූරිය මහත්මිය විසින් නිෂ්පාදනය කරන ලද "සිරි පැරකුම්" චිත්‍රපටයේ විශේෂ දර්ශනය නැරඹීමට ජනාධිපති මහින්ද රාජපක්ෂ මහතා ඊයේ (23) සහභාගි විය.
වැල්ලවත්ත සැවෝයි සිනමා ශාලාවේ පැවති මෙම විශේෂ දර්ශනය නැරඹීමට මැති ඇමැතිවරුන්, කලාකරුවන් ඇතුළු විශාල පිරිසක් එක්ව සිටියහ.
'සිරි පැරකුම්' දඹදෙණි රාජධානියේ විසු දෙවැනි පරාක්‍රමබාහු රජුගේ ළමා කාලයේ සොඳුරු ඉසවු අළලා නිර්මාණය වුණු සිනමා පටයකි.දඹදෙණිය අවට ප්‍රදේශයන් හී රූගත කිරීම් සිදු කල 'සිරි පැරකුම්බා' ඔස්සේ පෙර නිර්මාණයන්හි සේම සෝමරත්න දිසානායක, නවක නළු නිළියන් කැළක් හඳුන්වා දී ඇත. සෙනාලි ෆොන්සේකා, අකිල ධනුද්ධර හා සිනේති අකිලා අළුතින් හෙළ සිනමාවට එක්වන ඒ තාරකාවන්ය.
සිරි පැරකුම්හි සෙසු ප්‍රධාන නළු නිළි පිරිස වශයෙන් බිමල් ජයකොඩි, චාන්දනී සෙනෙවිරත්න, ජයනි සේනානායක, ගිරිරාජ් කෞශල්‍ය, සම්පත් තෙන්නකෝන්, දමයන්ති ෆොන්සේකා, ජයන්ත මුතුතන්ත්‍රි, ලලිත් ජනකාන්ත, රිටිගල සුමේධ, අශාන් ඩයස් සිටින්නේය.
පාලිත පෙරේරා කැමරා අධ්‍යක්ෂණයෙන් ද, හීනටිගල ප්‍රේමදාස කලා අධ්‍යක්ෂණයෙන් ද, රිටිගල සුමේධ සටන් අධ්‍යක්ෂණයෙන් ද දායක වන මෙහි සත්සර රටා රෝහණ වීරසිංහගෙන්ය.
නාරද ධනංජි තොටගමුව අංග රචනා ශිල්පියාය. වස්ත්‍රාභරණ නිර්මාණය වෙනුක වික්‍රමආරච්චිගෙන්ය. අශෝක ආතාවුදහෙට්ටිගේ අංග රචනයකි.
Siri Parakum Special Screening for Sri Lanka President.
Siri Parakum (සිරි පැරකුම්) Sinhala Movie On Location
