දෙවන වසරේ ඉගෙනුම ලබන 7 හැවිරිදි පිරිමි දරුවෙකුට ලිංගික අපයෝජනය කිරීම සම්බන්ධයෙන් අධිකරණය හමුවට පමුණුවා සිටි 40 හැවිරිදි දෙදරු පියෙකු ලබන 10 දා දක්වා රක්ෂිත බන්ධනාගාරගත කිරීමට කන්තලේ වැඩබලන මහේස්ත්‍රාත් තිස්ස සම්පත් ජයසූරිය මහතා ඊයේ (29) නියෝග කළේය.
රිමාන්ඩ් කරන ලද්දේ කන්තලේ වෙන්ඩ්‍රාසන්පූර් පදිංචි පුද්ගලයෙකි.බොහෝ දිනවල දරුවා පාසැල ඇරී නිවසට ඒමට ප්‍රමාදවන නිසා හා ඒ ආවිට මුහුණ මලානිකවී ඇති අතර ආ විගස තමා ඇඳ සිටි ඇඳුම් පැළදුම් නාන බේසමට දැමීම සිදුකරන නිසාත් මේ පිළිබඳව දරුවාගෙන් ප්‍රශ්න කරද්දී සිද්ධිය හෙළි වූ බව දරුවාගේ මව පොලිසියට ප්‍රකාශ ප්‍රකාශකර ඇත.
දරුවාගෙන් ප්‍රශ්න කිරීමේදී තමා පාසැල ඇරී සැකකරුගේ කඩය ඉදිරිපස වැලි පාරේ එනවිට කඩය මිදුලේ සිල්ලර කාසි වැටී තිබෙනු දක්නට ලැබෙන අතර එම කාසිගෙන ගොස් සැකකරුට දී රස කැවිලි කෑමට පුරුදු වී සිටි බවත් එම අවස්ථාවේදී සැකකරු දරුවා පොළබවාගෙන මෙම ලිංගික අපයෝජනය සිදුකර ඇති බවත්ය.