2015 ලෝක කුසලාන ක‍්‍රිකට් තරගාවලියේ තරග කාල සටහන සහ අදාළ කණ්ඩායම් තරගවදින කාණ්ඩ අන්තර්ජාතික ක‍්‍රිකට් කවුන්සිලය ප‍්‍රකාශයට පත්කර තිබෙනවා.
තරගාවලියේ සත්කාරකත්වය දරන්නේ ඔස්ටේ‍්‍රලියාව සහ නවසීලන්තයයි. ” ඒ ” කාණ්ඩයෙන් ශ‍්‍රී ලංකාව, එංගලන්තය, ඔස්ටේ‍්‍රලියාව, නවසීලන්තය සහ බංග්ලාදේශය තරග වදිනවා. ‘‘ බී ’’ කාණ්ඩයෙන් තරග වදින්නේ දකුණු අපි‍්‍රකාව, ඉන්දියාව, බටහිර ඉන්දීය කොදෙව් , අයර්ලන්තය සහ පකිස්තානය යන කණ්ඩායම්. 2015 වසරේ පෙබරවාරි 14 වැනිදා ආරම්භ වන මෙම තරගාවලියේ පළමු තරගය නවසීලන්තය සහ ශී‍්‍ර ලංකාව අතර කි‍්‍රස්චර්ච් හිදි පැවැත්වීමට නියමිතයි.
