දැරිය මවගේ භාරයට පත් කරන ලෙස නියෝග කළ මහේස්ත්‍රාත්වරයා අනුරාධපුර ශික්ෂණ රෝහලේ ඩී. එල්. වෛද්‍යරත්න මහතා හමුවට දැරිය පමුණුවා තුවාල සම්බන්ධයෙන් වෛද්‍ය වාර්තාවක් ද එදිනට අධිකරණය හමුවට ඉදිරිපත් කරන ලෙස නියෝග කළේය. ඇලපැත්තෑව හන්දියේ වෙළෙඳසැලක් පවත්වාගෙන යන සැකකරු දරුවන්ට සහ මවට නිතරම පහර දෙන බව පොලිස් පරීක්ෂණවලදී අනාවරණය වී ඇත.
පහරදීම් සම්බන්ධයෙන් පොලීසියට පැමිණිලි කිරීමට ගිය මව චුයිංගම් දෙකක් සොරා ගැනීම නිසා දියණියගේ ඇඟිලි පලා ලුනු දැමීමේ සිද්ධිය සම්බන්ධයෙන් ද කරුණු දක්වා ඇත. පසුගිය මාර්තු මාසයේදී සිදු වූ මෙම සිද්ධිය වසන් කිරීමේ අරමුණින් සැකකරු දැරිය පාසල් නොයවා නිවෙසේ නතර කරගෙන ඇති බවටත් මව පොලීසියට පවසා ඇත. හොරොව්පතාන පොලිසියේ ස්ථානාධිපති පොලිස් පරීක්ෂක සංජය මහානාම මහතාගේ උපදෙස් මත වැඩිදුර පරීක්ෂණ පවත්වාගෙන යයි.