මේ වන විට එම රෝහලේ අදාළ දැඩිසත්කාර ඒකකය අසලත් අදාළ පහරදීම සිදුවූ වූ 'ඔඩෙල්' සාප්පු සංකීර්ණය අසලත් ප්‍රභූ ආරක්ෂක යින් මෙන්ම පොලිස් ආරක්ෂාව යොදා තිබේ.මාලක සිල්වාට පිහියක් වැනි තියුනු ආයුධයකින් පහරදී ඇති බවත් බෝතල් වලින් හිසට පහරදී ඇති බවත් පැවසේ.
කෙසේ නමුත් ඊයේ (29 වැනිදා) රාත්‍රී රූපවාහිනී ප්‍රවෘත්ති විකාශනයන්වලදී කියවුනේ ඇමති පුත්‍රයා ටිකට් කපා රෝහලෙන් පිටවගොස් ඇති බවයි. එම රෝහල අසලට පැමිණ සිටි මර්වින් සිල්වා ඇමතිවරයා මාධ්‍යවේදීන්ට පැවසූවේ " ඔයාලා මෙතන ඉන්නකොට මගේ පුතා පිටිපස්ස දොරෙන් ගෙදර යැව්වා. ඔයාලා දන්නෙත් නෑ. එයාට ප්‍රශ්නයක් නෑ" යනුවෙනි.ඔහුට පහර දුන් පිරිස WP - AI 5213 අංකය දරණ ඩිෆෙන්ඩර් වර්ගයේ ජිප් රථයකින් ආබවත් බොහෝවිට ඔවුන් රාජ්‍ය ආරක්ෂක අංශයේ සාමාජිකයින් වියයුතු බවත් අභ්‍යන්තර ආරංචිමාර්ග සඳහන් කරයි.
යුධ හමුදා මේජර්වරයකුට පහරදීම සම්බන්ධයෙන් මාලක සිල්වා මහතා මිට පෙර චෝදනා ලබා තිබූ අතර පසුව ඉන් නිදහස් විය.