ජනපි‍්‍රය ගායක යුවලක් වන රූකාන්ත - චන්ද්‍රලේඛාට හිංසා කිරීමේ සිද්ධිය සම්බන්ධයෙන් තීන්දුව අද පානදුර මහාධිකරණ විනිසුරු කුසලා සරෝජනී වීරවර්ධන විසින් ප‍්‍රකාශයට පත් කරනු ලැබුවා.
ඒ අනුව, මෙම සිද්ධියට චෝදනා ලැබ සිටින හිටපු ජනාධිපතිනි චන්ද්‍රිකා බණ්ඩාරනායකගේ ආරක්ෂක අංශයේ පොලිස් නිලධාරින් 9 දෙනෙකුට වසර හතරහමාර බැගින් සිරදඩුවම් මහාධිකරණ විනිසුරුවරිය විසින් නියෝග කළා. ඊට අමතරව, මෙම නඩුවේ පස්වන විත්තිකරුට වසර හතරහමාරක ලිහිල් සිරදඩුවම් නියම කරනු ලැබුවේ ඔහු ආබාධිත තත්ත්වයෙන් පසු වන බැවින්.
මෙම නඩුවේ 7 වැනි විත්තිකරු විනිසුරුවරිය විසින් නිදහස් කර තිබෙනවා. දඬුවම් නියම වූ විත්තිකරුවන් 10 දෙනාට රුපියල් 21,000 බැගින් දඩ නියම කළ අධිකරණය රූකාන්ත - චන්ද්‍රලේඛා යුවලට රුපියල් ලක්ෂ 20 ක මුදලක් ගෙවන ලෙස ද විත්තිකරුවන්ට නියම කළා.