මරදාන ප්‍රදේශයේ ලැඟුම් හල් තුනක පවත්වාගෙන ගිය ගණිකා මධ්‍යස්‌ථාන තුනක්‌ වැටලූ මාලිගාවත්ත පොලිසිය තරුණ කාන්තාවන් 27 දෙනකු ඇතුළු 30 දෙනකු පෙරේදා (31 වැනිදා) අත්අඩංගුවට ගෙන ඇත.
කාමර කුලියට දෙන මුවාවෙන් මෙම ලැඟුම්හල්වල ගණිකා නිවාස පවත්වාගෙන ගිය කළමනාකරුවන් තිදෙනකුද අත්අඩංගුවට ගත් පිරිස අතර ඇත.මාලිගාවත්ත පොලිස්‌ ස්‌ථානාධිපති රොහාන් පෙරේරා මහතාට ලැබුණු තොරතුරකට අනුව දූෂණ මර්දන අංශයේ නිලධාරීන් විසින් ක්‍රියාත්මක කළ මෙහෙයුමකදී මෙම තරුණ කාන්තාවන් ඇතුළු සැකකරුවන් අත්අඩංගුවට ගැනීමට හැකිවී ඇත.
කොළඹ නගරයේ පෞද්ගලික ආයතනවල රැකියා කරන මුවාවෙන් පැමිණ මෙම කාන්තාවන් ගණිකා වෘත්තියේ යෙදී ඇති බව පොලිසිය පවසයි. මාලිගාවත්ත පොලිස්‌ ස්‌ථානාධිපති රොහාන් පෙරේරා මහතාගේ උපදෙස්‌ මත උප පොලිස්‌ පරීක්‍ෂකවරුන් වන සුගත් චන්දන, සනත් මංජුල, චින්තක, කොස්‌තාපල්වරුන් වන (70762) රත්නායක, (76940) හේරත්, (74428) ඉසුරු, (74328) මධුරංග, (4211) අජන්තා, (8835) අනුරුද්ධිකා, (2734) දුල්මිණි ඇතුළු නිලධාරීහු පරීක්‍ෂණ පවත්වති.