ආබාධිත රණවිරුවන් සඳහා තීරුබදු රහිත වාහන ලබාදෙන ලෙස ඉල්ලා ආබාධිත රණවිරුවෝ පිරිසක්‌ දකුණු පළාත් සභාව ඉදිරිපිට ඊයේ (13 දා) උද්ඝෝෂණයක නියුතු වූහ.දකුණු පළාත් සභා මන්ත්‍රී මේජර් අජිත් ප්‍රසන්න මහතා පෙරටු කර ගනිමින් පැමිණි මෙම රණවිරුවන් පිරිස පළාත් සභාව ඉදිරිපිටදී මෙසේ උද්ඝෝෂණයේ නියුතු වූහ.
රෝද පුටුවලින් පැමිණි මෙම පිරිස ''අපි ඔටුවොද'' ''රට නිදහස්‌ කර ගත් අපිට වාහන අකැපද'' ''තීරුබදු රහිත වාහන අපිටත් දෙන්න'' ආදී වශයෙන් සටන් පාඨ ඇතුළත් පුවරු ප්‍රදර්ශනය කරමින් උද්ඝෝෂණය කළහ.මෙහිදී අදහස්‌ දැක්‌වූ දකුණු පළාත් සභා මන්ත්‍රී මේජර් අජිත් ප්‍රසන්න මහතා මන්ත්‍රීවරුන්ට විදුහල්පතිවරුන්ට වෛද්‍යවරුන්ට තීරු බදු රහිත වාහන ලබාදෙන බැවින් ආබාධිත රණවිරුවන්ට කAළ කැපවීම අගයා තීරුබදු රහිත වාහන බලපත් ලබාදෙන ලෙස අදාළ අංශවලින් ඉල්ලා සිටින බවත් පැවසීය.
ඊයේ (13 දා) පෙරවරු 9.00 ට පමණ දකුණු පළාත් සභා රැස්‌වීම ආරම්භවීමට පෙර දකුණු පළාත් සභාව ඉදිරිපිට මෙම උද්ඝෝෂණය පවත්වනු ලැබිණි.