මෙරට සංචාරයක නිරත වූ එක්සත් ජාතීන්ගේ මානව හිමිකම් කොමිසමේ මහ කොමසාරිස් නවනීදන් පිල්ලේ මහත්මිය විසින් රජයේ හමුදා සහ කොටි සංවිධානය අතර අවසන් සටන් පැවති වෙල්ලමුල්ලි වයික්කාල්හිදී මියගිය ප‍්‍රභාකරන් ඇතුළු පිරිසට මල් වඩමක් තබා ගෞරව දැක්වීමට ගත් උත්සාහයක් රජයේ දැඩි විරෝධය නිසා අතහැර දමා ඇතැයි වාර්තා වේ.
පිල්ලේ මහත්මිය වෙනුවෙන් විදේශ කටයුතු අමාත්‍යාංශය හා කොළඹ එක්සත් ජාතීන්ගේ කාර්යාලය එක්ව සකස් කල නිල වැඩසටහනේ මල්වඩම් තැබීමක් ගැන සඳහන් වූයේද නැත.
එහෙත් ඇය වෙල්ලමුල්ලි වයික්කාල් හිදී මලන් වඩමක් තබා ප‍්‍රභාකරන් ඇතුළු මියගියවුන්ට ගෞරව දැක්වීමට යන පුවත වාර්තා වීමෙන් පසුව ආරක්‍ෂක සහ විදේශ කටයුතු අමාත්‍යංශ විසින් දැනුම් දී ඇත්තේ ඊට දැඩි මහජන විරෝධයක් මතුවිය හැති බවයි.මෙම ක‍්‍රියාව කිසිසේතම අනුමත නොකරන බව රජය විසින් රාජතාන්ත‍්‍රික මට්ටමින් දැනුම් දීමෙන් පසු සිය මල්වඩම තැබීමේ අදහස අවසන් මොහොතේ අතහැර දැමීමට මහකොමසාරිස්වරිය කටයුතු කර ඇත.