අදට (12) යෙදී ඇති ජාතික සිරකරු දිනය' නිමිත්තෙන්, සුළු වැරදි සම්බන්ධයෙන් දඩ මුදල් ගෙවා ගැනීමට නොහැකිව සිටින සිරකරුවෝ 1500 ක් නිදහස් කිරීමට පියවර ගෙන ඇත.
ඒ අනුව ඔවුන්ට ජනාධිපති පිරිනමන විශේෂ රාජ්‍ය සමාව යටතේ නිදහස හිමිවනු ඇත. රැඳවියන් දැනට ගෙවා ඇති සිරදඬුවම් කාලය සළකා බලා ඉදිරියේදී ගෙවීමට ඇති දඬුවම් කාලය මෙමඟින් අහෝසි කර තිබේ.
වයස අවුරුදු 70 ඉක්මවූ වයස්ගත සිරකරුවන් පිරිසක් ද ජනාධිපති විශේෂ සමාව යටතේ නිදහස් කරන බව බන්ධනාගාර දෙපාර්තමේන්තුව පවසයි.තවත් සිරකරුවන් 17 දෙනෙකු නිදහස් කිරීම ජාතික සිරකරු දින උත්සවයේදී නිල වශයෙන් සිදුකෙරේ. දෙපාර්තමේන්තු බලපත‍්‍ර මණ්ඩලය මඟින් නියම කළ විශේෂ බලපත‍්‍ර යටතේ ඔවුහු නිදහස් කෙරෙති.