ශ්‍රී ලංකාවේ සෑම කාන්තාවන් හතර දෙනකුගෙන් එක් අයකු ජීවිතයේ කවදා හෝ විෂාදය නමැති මානසික රෝගයට ගොදුරුවන බව සෞඛ්‍ය අමාත්‍යංශය පවසයි.
සිය දිවි නසා ගැනීමට පෙලැඹෙන පුද්ගලයන් කුමන හෝ මානසික රෝගී තත්ත්වයකින් පෙළෙන බව පරීක්‍ෂණවලින් තහවුරු වී ඇති බව සෞඛ්‍ය අමාත්‍යංශය පවසයි.ශ්‍රී ලංකාවේ සිය දිවි නසා ගැනීමට පුද්ගලයන් 100 දෙනකු සිතන අතර ඉන් 10 දෙනකු උත්සාහ කරන බවත්, ඉන් එක් පුද්ගලයෙක් සියදිවි නසාගන්නා බවද පෙන්වා දෙයි.
සමාජ අපවාද, බලාපොරොත්තු කඩවීම, මනා අවබෝධයක් නොමැතිවීම, මවුපිය රැකවරණය නොලැබීම සිය දිවි නසා ගැනීමට ප්‍රධානතම හේතුවක් බව සෞඛ්‍ය අමාත්‍යංශය වැඩිදුරටත් පවසයි.