ශී‍්‍ර ලංකා රග්බි පිලේ නායකයා නාමල් රාජපක්ෂ

සෙරන්ඩිබ් කුසලාන රග්බි 2013 තරගාවලියේදී ශ්‍රී ලංකා පිලේ නායකත්වයට ජනපති වැඩිමහල් පුත් හම්බන්තොට දිස්ත්‍රික් පාර්ලිමේන්තු මන්ත්‍රී නාමල් රාජපක්ෂ මහතා පත්කොට තිබේ. 

මේ තරගාවලිය පිළිබදව දැනුවත් කිරීමට අද (03) කොළඹ ගලධාරි හෝටලයේ පැවැති මාධ්‍ය හමුවකදී මේ බව අනාවරණය විය.

නාමල් රාජපක්‍ෂ ශ‍්‍රී ලංකා නාවික හමුදා ක්‍රීඩා සමාජය නියෝජනය කරනු ලබයි.

මෙම තුන්කොන් තරඟාවලිය ඔක්තෝබර් 26දා සිට නොවැම්බර් 01දා දක්වා ටොරින්ටන්හි නව රග්බි ක්‍රීඩාංගණයේදී පැවැත්වීමට නියමිතය. 

අදාල තරගාවලිය ශ්‍රී ලංකාව, පෝලන්තය හා මැඩගස්කර් යන රටවල සහභාගීත්වයෙන් ප්‍රථම වතාවට ශ්‍රී ලංකාවේදී පැවැත්වීමට නියමිතය. 

පොලන්තය (යුරෝපය) අන්තර් ජාතික රග්බි මණ්ඩලයේ ශ්‍රේණිගත කිරීම් අනුව 28 වැනි ස්ථානයේද, මැඩගස්කර් (අප්‍රිකාව) අන්තර් ජාතික රග්බි මණ්ඩලයේ ශ්‍රේණිගත කිරීම් අනුව 44 වැනි ස්ථානයේද පසුවේ. ශ්‍රී ලංකාව (ආසියාව) අන්තර් ජාතික රග්බි මණ්ඩලයේ ශ්‍රේණිගත කිරීම් අනුව පසුවන්නේ 39 වැනි ස්ථානයේය.