චැම්පියන්ස් ලීග් තරඟාවලියේ අවසන් මහා තරගය මුම්බායි ඉන්දියන්ස් හා රාජස්ථාන් රෝයල්ස් කණ්ඩායම් අතර අද (06) නවදිල්ලියේදී පැවැත්වීමට නියමිතය.
මුම්බායි ඉන්දියන්ස් පිල අවසන් මහා තරඟයට සුදුසුකම් ලබා ගත්තේ ඊයේ (05) පැවැති අවසන් පූර්ව තරගයේදී ටි‍්‍රනිඩෑඞ් ඇන්ඞ් ටොබෑගෝ පිල කඩුලු 6 කින් පරාජයට පත්කරමිනි.
ඊයේ පැවති තරඟයේ පළමුවෙන් පන්දුවට පහරදුන් ටි‍්‍රනිඩෑඞ් කණ්ඩායම නියමිත පන්දු වාර 20 අවසානයේ කඩුලූ 5 ක් දැවී ලකුණු 153 ක් රැස් කළේය.
මුම්බායි කණ්ඩායම පන්දු වාර 19.1 කදී කඩුලු 4 ක් පමණක් දැවී ලකුණු 157 ක් ලබා සිය ජයග‍්‍රහණය තහවුරු කරගත්තේය.
ඞ්වේන් ස්මිත් මුම්බායි කණ්ඩායම වෙනුවෙන් ලකුණු 59 ක් ලබාගැනීමට සමත් විය.