අධිකරණ ඇමැති රාවුෆ් හකීම් මහතාට අවශ්‍ය නම් ආණ්ඩුවෙන් ඉවත් වී යන ලෙස කැබිනට් මණ්ඩල රැස්වීමේදී ජනාධිපතිවරයා දැඩිව පවසා තිබේ.
පසුගිය 28දා පැවැති කැබිනට් මණ්ඩල රැස්වීමේදී ඇමැතිවරයාගේ ක්‍රියාකාරිත්වය සම්බන්ධයෙන් උණුසුම් වචන හුවමාරුවක් සිදුවී ඇති අතර ඉන්පසු අදාළ ප්‍රකාශය කළ ජනාධිපතිවරයා රැස්වීමෙන් නැඟිට ගොස් ඇත. අධිකරණ ඇමැතිවරයා ජිනීවා නුවර පිහිටි එක්සත් ජාතීන්ගේ මානව හිමිකම් කොමිසමේ මූලස්ථානයට ලංකාවට සහ ආණ්ඩුවට එරෙහිව ලිපි රැසක් යවා ඇති බව හෙළිදරව් වී ඇති අතර එම ලිපි සම්බන්ධයෙන් ඇමැතිවරුන්ද දැඩිව අදහස් දක්වා තිබේ.
මෙහිදී හකීම් ඇමැතිවරයා පවසා ඇත්තේ තම පක්ෂය වන ශ්‍රී ලංකා මුස්ලිම් කොංග්‍රසය එක්සත් ජනතා නිදහස් සන්ධාන ආණ්ඩුවේ සිටියද වෙනම පක්ෂයක් බවයි. ඇමැතිවරයාගේ මේ ප්‍රකාශයෙන් පසු තත්ත්වය තවත් උණුසුම් වී ඇත.
පසුගිය සතියේ 'ඉරිදා මව්බිම' මඟින් හෙළිදරව් කළ ඇමැතිවරුන්ගේ සහ රාජ්‍ය තාන්ත්‍රික විද්වතුන් පිරිසකගේ සහභාගිත්වයෙන් වාසුදේව නානායක්කාර ඇමැතිවරයාගේ මූලිකත්වයෙන් ජිනීවා ප්‍රශ්නය පිළිබඳ පැවැති සාකච්ඡාව සහ ඉන්පසු එම පිරිසේ එකඟතාව මත ජනාධිපතිවරයා වෙත ඉදිරිපත් කළ ලිපිය සම්බන්ධයෙන් අදහස් දැක්වීම හරහා කැබිනට් මණ්ඩලයේ මේ උණුසුම් තත්ත්වය ඇති වී තිබේ.රාජිත සේනාරත්න, ඩග්ලස් දේවානන්දා, රෙජිනෝල්ඩ් කුරේ, නවීන් දිසානායක යන ඇමැතිවරුන් සහ වසන්ත සේනානායක, රමේෂ් පතිරණ යන මන්ත්‍රිවරුන් එම රැස්වීමට සහභාගි වී ඇත. එසේම ආචාර්ය දයාන් ජයතිලක, තමාරා කුණනායගම්, කුමාර් රූපසිංහ, ඇතුළු විද්වතුන් පිරිසක්ද මීට සහභාගි වී ඇති අතර එහිදී සකස් කළ ලිපිය මාධ්‍යවලට ලැබුණේ කෙසේද යන්න සම්බන්ධයෙන් කැබිනට් රැස්වීමේදී ඇමැතිවරුන් ප්‍රශ්න කර ඇත.
මෙහිදී නවීන් දිසානායක ඇමැතිවරයා පවසා ඇත්තේ තමන් ඊට සහභාගි වුවද අදාළ ලිපියට අස්සන් නොකළ බවයි. තමන්ට එවැනි ලිපියක් මෙතෙක් ලැබී නැති බව ජනාධිපතිවරයා සඳහන් කර ඇති අතර ජිනීවා ගැටලුව පිළිබඳ ඇමැතිවරුන්ගේ අදහස් දැක්වීම හරහා හකීම් ඇමැතිවරයාගේ ප්‍රශ්නය මතුවී තිබේ.
President Mahinda Rajapakse has announced that Hakeem can leave the government if he cannot still work for the government. He has made this statement at the cabinet meeting.There has been a warm discussion about the Minister of Justice, Hakeem who has presented many articles against Sri Lanka to Geneva Human Rights Commission.
As Minister Hakeem has mentioned that even though Muslim Congress is along with the government, it is still a separate party, President Rajapakse has made a steady comment asking him to leave the government if he no longer wishes to be in it and he has left the cabinet meeting.