කම්සුව විඳින්නට බාධා කළාට මාමගේ රහසඟ හපලා !

පිළිමතලාව ඉඹුල්මල්ගම ප්‍රදේශයේදී රාත්‍රියේ නිවෙසකට ඇතුළු වූ තරුණයකු එහි සිටි තරුණියගේ පියාගේ පුරුෂ ලිංගය සපා කා පලාගොස් ඇත.

එම නිවෙසේ සිටි තරුණියක සමඟ ප්‍රේම සම්බන්ධයක් ඇතිකරගෙන ඇතැයි කියන සිද්ධියක් මත මෙම තරුණයා රාත්‍රියේ ඇය හමුවීමට ගොස් නැවත නිවෙසින් එළියට පැමිණීමේදී තරුණියගේ පියාගේ අතටම හසුවී ඇත.පසුව දෙදෙනා අතර ඇති වූ බහින් බස්වීමකදී තරුණයා වයෝවෘද්ධ පියාව තල්ලු කරනවාත් සමඟ ඔහු බිම වැටී ඇත.බිම ඇද වැටීමෙන් පසුව ඔහුගේ රහසඟ තරුණයා විසින් සපා කා ඇතැයි කඩුගන්නාව පොලිසිය පවසයි.

මෙම අකරතැබ්බයට ගොදුරු වූ 83 හැවිරිදි මහල්ලා රෝහල් ගතකර ඇති අතර, සිද්ධියට සම්බන්ධ සැකකාර තරුණයා අත්අඩංගුවට ගැනීම සඳහා පොලිස් පරීක්ෂණ අරඹා ඇත.සිද්ධිය පිළිබඳව කඩුගන්නාව පොලිස් ස්ථානාධිපති නිමල් චන්ද්‍රසිරි මහතාගේ උපදෙස් මත අපරාධ අංශයේ ස්ථානාධිපති පොලිස් පරීක්ෂක සුගතරත්න, පොලිස් සැරයන් බාලසූරිය (19321), ඇතුළු කණ්ඩායමක් වැඩිදුර පරීක්ෂණ සිදුකරති.

එංගලන්ත - ඉන්දියා අවසන් ගැටුම හෙට - icc champions trophy final

ශූරයන්ගෙත් ශූරයන් සොයන අවසන් චැම්පියන්ස්‌ කුසලාන එක්‌දින ක්‍රිකට්‌ තරගාවලියේ මහ ගැටුqම හෙට (23 දා) ඉන්දියාව සහ සත්කාරක එංගලන්තය අතර බර්මින්හැම්හිදී පැවැත්වේ. දිවා තරගයක්‌ වන මෙය ශ්‍රී ලංකා වේලාවෙන් ප.ව. 2.30 ට පමණ ආරම්භ වීමට නියමිතය.

හත්වැනි වරටත් ජාත්‍යන්තර ක්‍රිකට්‌ කවුන්සිලය විසින් පවත්වනු ලබන චැම්පියන්ස්‌ කුසලාන එක්‌දින ක්‍රිකට්‌ තරගාවලිය මෙවර පවත්වනුයේ අවසන් වරට වන අතර එහි ශූරතාව දිනා ගන්නා කණ්‌ඩායමට ඇමරිකානු ඩොලර් මිලියන දෙකක්‌ද අනුශූරතාව දිනා ගන්නා කණ්‌ඩායමට ඇමරිකානු ඩොලර් මිලියනයක්‌ද පිරිනැමේ.

එංගලන්තය චැම්පියන්ස්‌ කුසලාන එක්‌දින ක්‍රිකට්‌ තරගාවලියක අවසන් මහ තරගයට පිවිසි දෙවැනි අවස්‌ථාව මෙය වන අතර මීට පෙර 2004 දී අවසන් මහා තරගයට පැමිණියද එහිදී බටහිර ඉන්දීය කොදෙව් කණ්‌ඩායම හමුවේ අනුශූරයන් බවට පත්විය. ඉන්දියාව අදාළ තරගාවලියේ අවසන් මහ ගැටුමට පිවිසි දෙවැනි අවස්‌ථාව මෙය වන අතර මීට පෙර 2002 දී ශ්‍රී ලංකාව සමග පැවැති අවසන් මහා තරගයේදී වර්ෂාව හේතුවෙන් සම ශූරයන් බවට පත්විය.

පවුමක් රුපියල් 5000 කින් පමණ ඉහළ යන ලකුණු

රන් ආනයනය කිරීමේදී සියයට 10 ක බද්දක් අය කිරීමට රජය විසින් තීරණය කිරීමෙන් අනතුරුව මෙරට වෙළඳපොළේ රන් මිල ඉහළ යන බව වාර්තා වේ.

මේ අනුව, දේශීය වෙළඳ පොළේ රත්‍රන් පවුමක මිල රුපියල් 4000 - 5000 දක්වා ප්‍රමාණයකින් වැඩි වනු ඇති බව ශ්‍රී ලංකා මැණික් හා ස්වර්ණාභරණ අධිකාරිය පවසයි.රන් මිල ඉහළ යාමත් සමග මෙරට වෙළඳ පොළේ ස්වර්ණාභරණ මිල ගණන් වැඩිවීමට එය තුඩුදෙනු ඇත.කෙසේ වෙතත්, මේ පිළිබඳව ලංකා බිස්නස් ඔන්ලයින් වෙබ් අඩවිය වෙත අදහස් දක්වමින් භාණ්ඩාගාරයේ නියෝජ්‍ය ලේකම් එස්. ආර්. ආටිගල මහතා පවසා ඇත්තේ ඊයේ මධ්‍යම රාත්‍රියේ සිට පැනවූ මෙම බද්ද තාවකාලික බද්දක් වන බවයි.

පසුගිය කාලය පුරාවට ලෝක වෙළඳපොලේ රන් මිල පහල වැටීමත් සමග ඇති වූ තත්ත්වය හමුවේ මී කලින් ඉන්දියාවද රන් ආනයන බද්ද 8% දක්වා ඉහළ දමා තිබුණි.මේ අතර, 2013 දෙවන කාර්තුව තුළදී මෙරටට ගෙන්වනු ලබන රත්‍රන් ප්‍රමාණයේ ඉහළ යාමක් දකින්නට ලැබෙන බවත්, ලංකාව හරහා ඉන්දියාවට රත්‍රන් හොරෙන් ගෙන යනවා යැයි සැකයක් මතුව තිබෙද්දී ලංකාවට ගෙන්වන රත්‍රන් ප්‍රමාණය වැඩිවීම පිළිබඳව ශ්‍රී ලංකා මහ බැංකුවේ අවධානය යොමුව තිබෙන බවත් එහි අධිපති අජිත් නිවාඩ් කබ්රාල් මහතා පසුගියදා පැවසා තිබුණි.

අනුන්ට හිරිහැර කරමින් ආගම් අදහන්න බෑ - අධිකරණය

ශ්‍රී ලංකාවේ ආණ්ඩුක්‍රම ව්‍යවස්ථාවෙන් ආගම් ඇදහීමේ නිදහස සහතික කර තිබුණද, අන්‍යයන්ට හිරිහැරයක් වන ආකාරයෙන් එම අයිතිය භුක්ති විඳිය නොහැකි බව ශ්‍රේෂ්ටාධිකරණය පවසයි.

ශ්‍රේෂ්ටාධිකරණය ඒ බව සඳහන් කළේ පසුගිය ජුනි 17 වැනි දින ගාල්ලේ ගිංතොට පෙන්තකොස්ත සභාවට අයත් ආගමික මධ්‍යස්තානයකට බෞද්ධ භික්ෂුන් වහන්සේ පැමිණ කළ පහරදීමක් සම්බන්ධයෙන් ගොනුකළ පෙත්සමක් විභාගයට ගත් අවස්ථාවේ.

එම අවස්ථාවේ පොලීසිය මැදිහත් වී යාඥා පැවැත්වීම තහනම් කිරීම හේතුවෙන් තමන් කැමති ආගමක් නිදහසේ ඇදහීමේ මූලික අයිතිය උල්ලංඝනය වී ඇති බවට ආගමික මධ්‍යස්ථානයේ භාරකරුවෝ සිය පෙත්සමෙන් චෝදනා කරති.පෙත්සම් කරුවන් පළාත් වාසීන්ට හිරිහැර වන පරිදි බෙර ගසමින් අධික ශබ්ද නගා යාඥා කිරීම හේතුවෙන් පොලීසියට එම පියවර ගන්නට සිදුවූ බව විත්තිකරුවන් නියෝජනය කළ නීතිඥවරු කියා සිටියහ.නඩු විභාගය ජුලි මාසය දක්වා කල් තැබිණ.

නිව්යෝර්ක් සිනමා උළෙලේ හොඳම නළුවා ජගත් චමිල

ඊයේ (20) පැවති අමෙරිකාවේ නිව්යෝර්ක් සිටි ජාත්‍යන්තර සිනමා සම්මාන උළෙලේ දී හොඳම නළුවා ලෙස ජගත් චමිල සම්මානයට පාත්‍රවී තිබේ.

අප රටේ රංගන ශිල්පියෙකු මෙවැනි ජාත්‍යන්තර තරඟයක දී හොඳම නළුවාට හිමි සම්මානය දිනාගත් ප‍්‍රථම අවස්ථාව මෙය යයි සැලකෙයි.

කැප්ටන් එල්මෝ ජයවර්ධන විසින් ඉංග‍්‍රීසි භාෂාවෙන් රචනා කරන ලද “සැමීගේ කතාව”(sam’s story) නවකතාව ඇසුරින් ප‍්‍රියංකර විතානාච්චි ’සැමීගේ කතාව’ නමින් නිමානය කල සිනමාපටයේ ’සැමීගේ’ චරිතය සඳහා ජගත් චමිලට මෙම සම්මානය හිමිව ඇත.ඔහු සමග තවත් නළුවන් සිව්දෙනෙකු ඩොමිනික් ප'සෙල් (කැනඩා), එඩ්වර්ඩ් ෆලෝන්ග් (අමෙරිකා), සෙබස්තියන් ෙජ්සන් (ඩෙන්මාර්ක් ), ඕමාර් ෆරැන්කෝ (කියුබා ) යන යන නළුවන්ගේ නම් ද මෙම සම්මානය සඳහා නිර්දේශවී තිබිණ.

මෙම සිනමා සම්මාන උළෙල මේ වසරේ ජූනි මස 13 දින සිට 20 දක්වා අමෙරිකාවේ නිව්යෝර්ක් නගරයේ පැවති අතර ඊයේ එහි සම්මාන ප‍්‍රධානය පැවැත්වින.

ජය ඉන්දියාවටයි - India beat Sri Lanka to reach final

අයි. සී. සී. ‘ශූරයන්ගේ කුසලාන’ ක‍්‍රිකට් තරගාවලියේ අවසන් මහ තරගයට ඉන්දියාව සුදුසුකම් ලබා ගැනීමට සමත් විය. කාඩිෆ්හිදී ඊයේ(20) පැවැති දෙවැනි අවසන් පූර්ව තරගයේදී ඉන්දීය ක‍්‍රීඩකයෝ කඩුලූ 8 කින් ශ්‍රී ලංකා පිල පරාජය කිරීමට සමත් වූහ.

ජයග්‍රහණය සදහා ලකුණු 182 ක ඉලක්කයක් හරහා හඹාගිය ඉන්දීය පිල පන්දුවාර 35 කදී කඩුලූ 2 ක් පමණක් දැවී එය සම්පූර්ණ කිරීමට සමත් විය.අවසන් මහ තරගය එංගලන්තය සහ ඉන්දියාව අතර ලබන 23 වැනිදා එජ්බැස්ටන්හිදී පැවැත්වීමට නියමිතය.තරගයේ වීරයා ලෙස ලකුණු 33කට කඩුලු 03ක් බිදහෙලූ ඉෂාන්ත් ශර්මා සම්මානයෙන් පිදුම් ලැබීය.

ඉන්දීය පිල වෙනුවෙන් ශීකර් දාවන් (68) සහ විරාට් කෝලි (නොදැවී) 58 අර්ධ ශතක රැස්කිරීමට සමත් වූහ.

පළමුව පන්දුවට පහර දුන් ශ්‍රී ලංකා පිල සිය පන්දුවාර 50 අවසානයේදී කඩුලු 08ක් දැවී ලකුණු 181 ක් රැස් කළේය.මහේල ජයවර්ධන (38) සහ ඇන්ජලෝ මැතිව්ස් (51) සිවුවැනි කඩුල්ල වෙනුවෙන් ලකුණු 78 ක සම්බන්ධතාවක් පවත්වමින් ශ්‍රී ලංක පිලට ශක්තිය එක් කළද එය ජයග්‍රහණය සදහා ප්‍රමාණවත් නොවීය.

ඇන්ජලෝ මැතිව්ස් පන්දු 89 කදී හතරේ සහ හයේ පහර බැගින් ඇතුළත් කරමින් ලකුණු 51 ක් ලබා සිටියදී පස්වැනි කඩුල්ල ලෙස දැවී ගියේය.

කොටි හිතවාදියෝ පිටියට පනිති - Tigers on Cardiff grounds!

ඊයේ කාඩිෆ්හි පැවැති ශ්‍රී ලංකා - ඉන්දියා අවසන් පූර්ව තරගය ආරම්භ වීමට පෙර එල්. ටී. ටී. ඊ. හිතවාදීන් විසිදෙනකු පමණ පිටියෙන් පිටත රැඳී සිටියද, පසුව 200ක් පමණ දෙනා තැනින් තැන ගැවසෙමින් විරෝධතා දක්වා ඇති අතර, විවේක කාලයේදී ක්‍රීඩාංගණයෙන් පිටත ශ්‍රී ලාංකිකයන් සිටින තැන්වලට ගොස් "උඹලා ජනාධිපති මහින්ද රාජපක්‍ෂගේ මිනිස්සුද" යනුවෙන් විමසා තර්ජනය කළ හෙයින්, ශ්‍රී ලාංකිකයන් පිරිසක් මේ පිළිබඳව පොලිසියට පැමිණිලි කර තිබෙන බවද වාර්තා වේ.

මෙම තරගය පැවැත්වීමට මොහොතකට පෙර එල්. ටී. ටී. ඊ. හිතවාදී දමිළ ජාතිකයන් 20 දෙනකු පමණ ක්‍රීඩාංගණය අසල අත්පත්‍රිකා බෙදමින්, බැනර් ප්‍රදර්ශනය කරමින් විරෝධතාවක නිරත වනු දක්නට ලැබිණි. ඒ අසල පොලිස් නිලධාරීන් 50කට අධික ප්‍රමාණයක් රාජකාරියෙහි යෙදී සිටි අතර, පොලිස් නිලධාරීන් කිහිපදෙනකු විසින් එම විරෝධතා වීඩියෝ ගත කරන ලදී.

ශ්‍රී ලංකා - එංගලන්ත තරගය ලන්ඩන්හි ඕවල් ක්‍රීඩාංගණයේ පැවැති දිනයේදී තරගයෙන් පසුව එවන් විරෝධතාවක යෙදුණ පිරිසක් හා ශ්‍රී ලාංකික ප්‍රේක්‍ෂකයන් අතර ගැටුමක් සිදු වූ අතර, ඊට එකට එක කිරීමක් ලෙසින් ඊයේ දිනයේ විරෝධතාව ප්‍රබල එකක් ලෙස සංවිධානය කිරීමට ඔවුන් උත්සාහ කොට තිබුණද එයද අසාර්ථක වී තිබූ බව පැමිණ සිටි සුළු පිරිසෙන් පෙනුණි.

මාලිංග පරදමින් කුලේ ක‍්‍රිකට් ලෝකයේ ඉදිරියටම එයි

ජාත්‍යන්තර ක‍්‍රිකට් කවුන්සිලය විසින් නිකුත් කරන ලද නවතම ලෝක එක්දින පන්දුයවන්නන් ශ්‍රේණිගත කිරීමේදී ශී‍්‍ර ලංකාවේ නුවන් කුලසේකරට 10වැනි ස්ථානය හිමිව ඇති අතර එය එක්දින පන්දු යවන්නෙක් ලෙස ශ‍්‍රී ලංකා පන්දු යවන්නෙක් ස්ථානගතවී ඇති ඉහලම ස්ථානයයි.

මෙතෙක් එම දර්ශකයේ ඉහලින් සිටි ලසිත් මාලිංගට මෙවර හිමිව ඇත්තේ 11 වන තැනයි.සේම 20-20 පන්දු යවන්නන් අතර මෙන්ඩිස් 03 වන තැනත්, කුලසේකර හය වන තැනත් දිනා ගනිද්දී ලසිත් මාලිංග එම ලයිස්තුවේ 14 වන ස්ථානය දක්වා ඇද වැටී තිබේ.

මේ අතර ටෙස්ට් පිතිකරුවන් අතර කුමාර සංගක්කාර සිවුවන තැනත්, ටෙස්ට් පන්දු යවන්නන් අතර රංගන හේරත් තුන්වන තැනත්, එක්දින පිතිකරුවන් අතර සංගක්කාර 6වන තැන සහ දිල්ෂාන් 07 වන තැනත්, එක්දින තුන් ඉරියවු ක‍්‍රීඩයන් අතර මැතිවුස් 05 වන තැන සහ දිල්ෂාන් 06 වන තැනත්, 20-20 පිතිකරුවන් අතර මහේල ජයවර්ධන සිවුවන තැනටත් පත්ව තිබේ.