ඝාතනයට ලක්‌ වූ ව්‍යාපාරිකයාගේ දුරකතන කොටස් කුණු ඇලෙන් මතුවේ

සීඅයිඩිය නාවික හමුදා සහායෙන් ගොඩ ගනී

නියෝජ්‍ය පොලිස්‌පති වාස්‌ ගුණවර්ධන මහතා යටතේ සිටි පොලිස්‌ නිලධාරීන් කණ්‌ඩායමක්‌ විසින් පැහැරගෙන ගොස්‌ ඝාතනය කළ බව කියන බම්බලපිටිය කෝටිපති ව්‍යාපාරික මොහොමඩ් සියාම් භාවිත කළ ජංගම දුරකථනයේ කොටස්‌ ඛෙත්තාරාම කුණු ඇළේ තිබී අපරාධ පරීක්‍ෂණ දෙපාර්තමේන්තුව ඊයේ (23 වැනිදා) සොයාගන්නා ලදී.

අපරාධ පරීක්‍ෂණ දෙපාර්තමේන්තුවේ නිලධාරීන් කණ්‌ඩායමක්‌ ඊයේ නාවික හමුදාවේ කිමිදුම්කරුවන් දෙදෙනකුගේ සහායෙන් සොයාගත් දුරකථනයේ කොටස්‌වල පරීක්‍ෂණවලට අදාළ දත්ත සොයාගත හැකි බව අපරාධ පරීක්‍ෂණ දෙපාර්තමේන්තු ආරංචි මාර්ග පැවසීය.

කෝටිපති ව්‍යාපාරික මොහොමඩ් සියාම් ඝාතනය කිරීමෙන් පසු සියාම්ගේ මිතුරා වන ෆවුස්‌ඩීන් නමැත්තා ඔහුගේ ගෝලයකුට සියාම්ගේ දුරකථනය දී එය විනාශ කරන ලෙස උපදෙස්‌ දී ඇත. ඒ අනුව එම ගෝලයා විසින් දුරකථනය කෑලි තුනකට කඩා ශාන්ත සෙබස්‌තියන් ඇළට (කුණු ඇළට) දැමූ බවට ලැබුණු තොරතුරු මත මෙම මෙහෙයුම සිදුකරන ලදී.

ජංගම දුරකථන කොටස්‌ සොයාගැනීම සඳහා නාවික හමුදා නිලධාරීන් දෙදෙනා පැය පහක පමණ කිමිදුම් මෙහෙයුමක නිරත වූහ.

බ්‍රිතාන්‍යයේ සිටින ශ්‍රී ලාංකිකයන්ගේ ආරක්ෂාව ගැන දැඩි අවධානය

බ්‍රිතාන්‍යයේ වෙසෙන ශ්‍රී ලාංකිකයින්ගේ ආරක්ෂාව සම්බන්ධයෙන් දැඩි අවධානයක් යොමුකර තිබෙන බව රජය අවධාරණය කරයි.

එරට වෙසෙන ශ්‍රී ලාංකිකයන්ගේ ආරක්ෂාව සම්බන්ධයෙන් නිරන්තරයෙන් සොයා බලන බවද යම් අවදානම් තත්ත්වයක් පැන නඟින්නේ නම් රාජ්‍යතාන්ත්‍රික වශයෙන් මැදිහත්වී අවශ්‍ය ක්‍රියාමාර්ග කඩිනමින් ගන්නා බවද විදේශ කටයුතු අමාත්‍යාංශ සන්නිවේදන අංශයේ අධ්‍යක්ෂ ජනරාල් සහ අතිරේක ලේකම් රොඩ්නි පෙරේරා මහතා පැවසීය.

බ්‍රිතාන්‍යයේ ජීවත්වන ශ්‍රී ලාංකිකයන්ට කොටි හිතවාදීන්ගෙන් විවිධ තරජන පවතින අතර ඒ සම්බන්ධයෙන් විශේෂ අවධානයක් යොමු කොට ශ්‍රී ලාංකිකයන්ගේ ආරක්ෂාව තහවුරු කරන ලෙස බ්‍රිතාන්‍ය විදේශ කටයුතු අමාත්‍යාංශයට, එරට පොලීසිය ඇතුළු බලධාරීන් වෙත මේ වනවිටත් දැනුම්දී තිබෙන බවද ඒ මහතා සඳහන් කළේය.මෙලෙස කිසියම් ගැටලුවක් පවතින්නේ නම්, ආරක්ෂාවට තර්ජනයක් ඇත්නම් වහාම ශ්‍රී ලංකා මහ කොමසාරිස් කාර්යාලයට දැනුම් දෙන ලෙස බ්‍රිතාන්‍යයේ වෙසෙන සියලු ශ්‍රී ලාංකිකයන්ගෙන් ඉල්ලීමක් කරන රොඩ්නි පෙරේරා මහතා එවැනි දැනුම්දීමක් කරන්නේ නම් කිසිඳු පැකිළීමකින් තොරව අවශ්‍ය ක්‍රියාමාර්ග ගන්නා බවද අවධාරණය කළේය.

බ්‍රිතාන්‍යයේ වෙසෙන ශ්‍රී ලාංකිකයන්ගේ අවශ්‍යතා වෙනුවෙන් පෙනී සිටීමට එරට ශ්‍රී ලංකා මහ කොමසාරිස් වෛද්‍ය ක්‍රිස් නෝනිස් මහතා ප්‍රමුඛ කාර්ය මණ්ඩලය නිරන්තර සූදානමින් සිටින බවද ශ්‍රී ලංකා විදේශ කටයුතු අමාත්‍යාංශය සදහන් කරයි.

ඉන්දියාවට චැම්පියන්ස් ක්‍රිකට් කුසලානය - India beat England to win ICC Champions Trophy 2013

ඉන්දියාව ඔවුන්ගේ සුපිරි පන්දු ප්‍රහාරයෙන් එංගලන්තය ලකුණු පහකින් පරදවමින් චැම්පියන්ස් කුසලානය ඊයේ දිනා ගත්තේය. ලකුණු 130ක ජයග්‍රාහී ඉලක්කයක් හඹා ගිය එංගලන්තය ලකුණු 124කට දැවී ගියේය. පිට දඟ පන්දු යවන රවිචන්ද්‍රන් අශ්වින් ලකුණු 15කට කඩුලු 2ක් ලබා ගත් අතර රවින්ද්‍ර ජඩේජා හා ඉෂාන්ට් ෂර්මා ද කඩුලු 2 බැගින් ලබා ගත්හ.

වර්ෂාවෙන් දිගින් දිගටම බාධා පැමිණීම හේතුවෙන් බර්මිංහැම් නුවර එජ්බැස්ටන් ක්‍රීඩාංගණයේ පැවැති චැම්පියන්ස් කුසලාන අවසාන මහා තරගය පිලකට ඕවර 20 බැගින් සීමා වූ අතර කඩුලු 7කට ලකුණු 129ක ඉන්දියා ඉනිම හඹා ගිය එංගලන්තයට අවසානයේ ලබා ගත හැකිවූයේ කඩුලු 8ක් දැවී ලකුණු 124ක් පමණි.

එංගලන්ත පිළිතුරු ඉනිමේ පළමු කඩුල්ල මුළු ලකුණු 3දී බිඳ වැටිනි. දෙවැනි ඕවරයේදී නායක ඇලස්ටෙයාර් කුක් ලකුණු 2කට දවාලීමට උමේෂ් යාදව් සමත් විය. ‘ස්ලිප්’හි සිට අපූරුවට උඩ පන්දුව රැක ගත්තේ රවිචන්ද්‍රන් අශ්වින් ය. කුක් මුහුණ දුන්නේ පන්දු 9කට පමණි. මුළු ලකුණු 46දී ඉන්දියාවට සිවුවැනි කඩුල්ල ලබා දුන්නේද කඩුලු රකින දෝනි ය.

'දණ ගහපන් දුවගෙන් සමාව ගනින්' කියල කිව්වා

කුණුහරුප කියාගෙන, පළාතම දෙවනත් කරගෙන යකෙක් වගේ තමයි මන්ත්‍රිතුමා එතෙන්ට ආවේ
 

නවගත්තේගම ඉසුරු පාසලේ විනය භාර ගුරුවරිය වූ ප්‍රියානි සුසිලා හේරත් ගුරුතුමිය පළාත් සභා මන්ත්‍රීවරයකු විසින් දණගස්‌සවා තැබීම පසුගිය දිනවල මේ රටේ වඩාත් අවධානය දිනාගත් පුවත විය. මේ එම ගුරුතුමිය තමන් මුහුණදුන් අප්‍රසන්න සිදුවීම අප හමුවේ හෙළි කළ අයුරුය.

මේ සිදුවීමට හේතුව මොකක්ද?

මේක වුණේ පහුගිය සතියේ සිකුරාදා. එදා පාසලේ ළමයින්ව ගේට්ටුවෙන් ඇතුළට ගන්න කොට පාසලේ ශිෂ්‍යනායක මණ්ඩලය සියලුම ළමයින්ගේ නිල ඇඳුම් පරීක්ෂා කළා. මම ඒ ශිෂ්‍යනායක මණ්ඩලයේ ප්‍රධානියා නිසා මමත් එතැන හිටියා.එදා ගවුම කොටට ඇඳගෙන ආපු ගෑනු ළමයි අපි බලලා ඒ අයගේ ගවුමේ වාටිය ටිකක් දුරට ලිහුවා. ගවුම් වාටිය ලෙහපු කට්ටිය අතරේ මන්ත්‍රිතුමාගේ දුවත් ඉඳලා තියෙනවා. හැබැයි මම ඒක දැනගෙන හිටියෙ නැහැ. ඊට පස්සේ ඒ අයව අපි පන්තිවලට යැව්වා.

පාසල ඇරුණට පස්සේ පිටවීම අස්සන් කරලා පන්තියේ මම වාඩිවෙලා ඉන්නකොට මන්ත්‍රිතුමාගේ නෝනා උදේ වාටිය ලිහපු ගවුමත් අරගෙන ස්කෝලෙට ඇවිත් සැරට මට බැන්නා. සමහරවිට මන්ත්‍රිතුමාගේ දුව උදේ වුණු දේ ගිහින් කියන්න ඇති. පස්සේ මම කිව්වා මේ දේ විදුහල්පතිතුමාට ගිහින් කියන්න කියලා. ඒත් කිව්වේ නැහැ. එහෙම්මම මන්ත්‍රිතුමාගෙ නෝනා යන්න ගියා. මම ටික වෙලාවකට පස්සේ වුණ දේ අපේ පාසලේ නියෝජ්‍ය විදුහල්පතිට දැනුම් දුන්නා.

වටිනාකම අඩුවෙන් පෙන්වා ගේන පරණ වාහන වලට වැට

මෙහෙම ගියොත් අපේ කර්මාන්තය ඉවරයි - ශ්‍රී ලංකා මෝටර් රථ වෙළෙඳුන්ගේ සංගමය

වාහන ආනයනය කිරීමට පනවා තිබෙන බදු හමුවේ අළුත්ම වාහන ආනයනය විශාල ලෙස අඩුවී තිබෙන බවත් අසාධාරණ ලෙස රේගුවට වටිනාකම අඩුවෙන් පෙන්වා ආනයනය කරන පාවිච්චි කළ වාහන කොටුකර ගැනීමේ වැඩසටහනක් දියත් කිරීමට බළධාරීන් සමග කටයුතු කරන බවත් ශ්‍රී ලංකා මෝටර් රථ වෙළෙඳුන්ගේ සංගමයේ සභාපතිවරයා කියයි.

ශ්‍රී ලංකා මෝටර් රථ වෙළෙඳුන්ගේ සංගමයේ සභාපති තිලක් ගුණසේකර “විමසුම“ ට පැවසුවේ වටිනාකම අඩුවෙන් පෙන්වා මෙරටට ආනයනය කරන පාවිච්චි කළ වාහන ප්‍රමාණය මේ වනවිට වැඩි වෙමින් තිබෙන බවයි.

“මේ නිසා, නිසි බදු ගෙවමින් අපි සිදුකරන කර්මාන්තය කරගෙන යාමට බැරි තත්ත්වයකට පත්ව තිබෙනවා. අනිත් අතට මේ නිසා රජයට විශාල බදු ප්‍රමාණයක් අහිමි වෙනවා. අපි රේගු අධ්‍යක්ෂ ජනරාල්වරයා සමග සාකච්ඡා කළා වටිනාකම අඩුවෙන් පෙන්වා මෙරටට ආනයනය කරන පාවිච්චි කළ වාහන වලින් නියම බදු ප්‍රමාණය අයකර ගැනීමේ වැඩසටහනක් ක්‍රියාත්මක කරන්න කියල. ඔහු ඒ සඳහා අපි සමග සාකච්ඡා කිරීමට එකඟ වුණා.“

විවාහය ගැන ඉදිරියේදී දැනගන්න ලැබේවි. - Tharushi Perera

රංගන ක්‍ෂේත්‍රයේ අතිශය කාර්යබහුල නිළියක නොවුණත්, ඉඳහිට රඟපාන චරිතයකින් වැඩි කාලයක්‌ ප්‍රේක්‍ෂකයන්ගේ මතකයේ රැඳෙන්නට තරම් හපන්කමක්‌ ඇති ඇය තරුෂි පෙරේරා නම් වන්නීය. රංගනයත්, රූපලාවන්‍ය කටයුතුත් සමඟ ජීවිතය සතුටින් පවත්වාගෙන යන්නට ඇය නිරතුරුව වෙහෙස දරන ඇයගේ නවතම තොරතුරු දැන ගන්නට අපි ඔබ වෙනුවෙන් ඇය හමුවන්නට ගියෙමු. සුපුරුදු සුහදශීලී සිනහවකින් විසින් ඇය පිළිගනු ලැබවේ සැබැවින්ම ඇයගේ ප්‍රේක්‍ෂකයන් කෙරෙහි ඇය දක්‌වන්නා වූ ආදරය නිසා මය.

*ඉතින් කොහොමද තරුෂි

"හොඳයි"

*විවේකයෙන් වගේ...?

ලොකු අවිවේකයක්‌ නැහැ.

*අලුත්ම වැඩේ මොකක්‌ද?

ශිවගුරුනාදන් මහතාගේ මුතු පළස ටෙලි නාට්‍යයට සම්බන්ධ වෙලා කටයුතු කරනවා. ඒකේ රඟපෑම් මේ දිනවල සිදු වෙනවා.

*වෙන මුකුත් නැද්ද?

තව අලුත් නිර්මාණ කිහිපයකට ආරාධනා ලැබී තිබෙනවා.

ලංකාවෙ පාතාලයෙක් ඉතාලියේදී කොටුවෙයි

අධිකරණයෙන් වරෙන්තුකරුවකුව සිටි ප්‍රදීප් දේව නදුන් ධර්මවික්‍රම හෙවත් කොස්ගොඩ නදුන් නැමැත්තා ඉතාලියේ මිලාන් නගරයට ආසන්න පොලිසියක් විසින් අත්අඩංගුවට ගෙන ඇති බව ඉතාලි මාධ්‍ය වාර්තා කර තිබේ.

මෙම සැකකරුට එරෙහිව වරෙන්තු නිකුත්කර තිබුණේ බලපිටිය ප්‍රදේශයේදී පොලිස් නිලධාරීන් දෙදෙනකු ඇතුළුව ත්‍රිත්ව ඝාතනයක් සිදු කිරීම නිසාය.ඔහු ඉතාලි පොලිස් අත්අඩංගුවට පත්ව ඇත්තේ සොරකමක් සම්බන්ධයෙන් ලැබුණු පැමිණිල්ලක් අනුවය.

පසුව ඔහුට ඉන්ටර්පෝල් වරෙන්තුවක් තිබූ බව හෙළිවී තිබේ.සැකකරු අපරාධ කිහිපයකට අවශ්‍ය කළ අයෙක් බවත් ඔහු ඉතාලියට පැනගොස් එහි උකස් මධ්‍යස්ථානයක් පවත්වාගෙන ගොස් ඇති බවද පැවසේ.

කම්සුව විඳින්නට බාධා කළාට මාමගේ රහසඟ හපලා !

පිළිමතලාව ඉඹුල්මල්ගම ප්‍රදේශයේදී රාත්‍රියේ නිවෙසකට ඇතුළු වූ තරුණයකු එහි සිටි තරුණියගේ පියාගේ පුරුෂ ලිංගය සපා කා පලාගොස් ඇත.

එම නිවෙසේ සිටි තරුණියක සමඟ ප්‍රේම සම්බන්ධයක් ඇතිකරගෙන ඇතැයි කියන සිද්ධියක් මත මෙම තරුණයා රාත්‍රියේ ඇය හමුවීමට ගොස් නැවත නිවෙසින් එළියට පැමිණීමේදී තරුණියගේ පියාගේ අතටම හසුවී ඇත.පසුව දෙදෙනා අතර ඇති වූ බහින් බස්වීමකදී තරුණයා වයෝවෘද්ධ පියාව තල්ලු කරනවාත් සමඟ ඔහු බිම වැටී ඇත.බිම ඇද වැටීමෙන් පසුව ඔහුගේ රහසඟ තරුණයා විසින් සපා කා ඇතැයි කඩුගන්නාව පොලිසිය පවසයි.

මෙම අකරතැබ්බයට ගොදුරු වූ 83 හැවිරිදි මහල්ලා රෝහල් ගතකර ඇති අතර, සිද්ධියට සම්බන්ධ සැකකාර තරුණයා අත්අඩංගුවට ගැනීම සඳහා පොලිස් පරීක්ෂණ අරඹා ඇත.සිද්ධිය පිළිබඳව කඩුගන්නාව පොලිස් ස්ථානාධිපති නිමල් චන්ද්‍රසිරි මහතාගේ උපදෙස් මත අපරාධ අංශයේ ස්ථානාධිපති පොලිස් පරීක්ෂක සුගතරත්න, පොලිස් සැරයන් බාලසූරිය (19321), ඇතුළු කණ්ඩායමක් වැඩිදුර පරීක්ෂණ සිදුකරති.