දක්ෂයින්ගේ කණ්ඩායමේ 3වන තැන සංගක්කාරට

චැම්පියන්ස් කුසලාන එක්දින ක්‍රිකට් තරගාවලියේදී දක්ෂතා දැක්වූ ක්‍රීඩකයින්ගෙන් ගෙන් සමන්විත එක්දින කණ්ඩායමේ නායකත්වය ඉන්දීය නායක මහේන්ද්‍ර සිං දෝනිට හිමිව තිබේ.ශ්‍රී ලංකාවෙන් මෙම කණ්ඩායමට නම් කර ඇත්තේ, කුමාර සංගක්කාර පමණි.එංගලන්තය හා වෙල්සයේ පැවති චැම්පියන්ස් කුසලාන එක්දින ක්‍රිකට් තරගාවලියේදී දස්කම් දැක් වූ ක්‍රීඩකයින් 12 දෙනෙකුගෙන් යුත් කණ්ඩායම අන්තර්ජාතික ක්‍රිකට් කවුන්සිලය විසින් ප්‍රකාශයට පත් කරනු ලැබ තිබේ.

ඒ සඳහා තරගාවලියේ ශූරතාව දිනූ ඉන්දීය කණ්ඩායමේ ක්‍රීඩකයෝ 5 දෙනෙකු ද ඇතුළත් වෙති.තරගාවලියේ වැඩිම ලකුණු සංඛ්‍යාව වූ ලකුණු 222ක රැස් කළ කුමාර් සංගක්කාර කණ්ඩායමට තෝරා ඇත්තේ, අංක තුනේ ක්‍රීඩකයා ලෙසිනි.තරගාවලියේ ඉහළම ලකුණු ලාභියා වන ශිකර් ධාවන්, විරාත් කෝලි, රවීන්ද්‍ර ජඩේජා හා බුවනේශ් කුමාර් සෙසු ක්‍රීඩකයෝ වෙති.

අනුශූරතාව හිමි වූ එංගලන්තයෙන් තෝරා ගෙන ඇත්තේ, ජොනතන් රොට්,ජෙම්ස් ඇන්ඩර්සන් හා ජෝ රූටි යන ක්‍රීඩකයින් තිදෙනා ය.මීට අමතරව පාකිස්ථානයේ මිශ්මා උල්හක්, දකුණු අප්‍රිකාවේ රයාන් මැකලරන් හා නවසීලන්තයේ මිචෙල් මැක්ලෙනගන් සෙසු ක්‍රීඩකයෝ ලෙස කණ්ඩායමට එක්ව සිටිති.

අනර්කලී නිසා දකුණු පළාත් සභාවේ ගාලගෝට්ටියක්

පළාත් සභාවේ නීති රීති නොදැන අදහස් ප‍්‍රකාශ කරන්නට ගිය දකුණු පළාත් සභා සන්ධානයේ මන්ත‍්‍රීනි අනර්කලී ආකාර්ශා මෙනවියට දකුණු පළාත් සභා රැස්වීමේදී ඇති වූ විරෝධයක් හේතුවෙන් තරමක් උණුසුම් තත්ත්වයක් හටගත්තේ ය.

එක්සත් ජාතික පක්ෂ දකුණු පළාත් සභා මන්තී‍්‍ර අසෝක ධනවංස මහතා බලපිටියේ දී රනිල් වික‍්‍ර‍්‍රමසිංහ විපක්ෂනායකවරයාට පහරදීමට තැත්කිරීම සම්බන්ධයෙන් අද රැස්වූ සභාවාරයේ දී අදහස් ප‍්‍රකාශ කරමින් සිටියදී හදිසියේම නැගී සිටි අනර්කලී ආකාර්ශා මන්ත‍්‍රීවරිය පැවැසුවේ එක්සත් ජාතික පක්ෂයේ අභ්‍යන්තර ආරඅවුල් පිළිබඳවත් සොයා බලා මේ ආකාරයෙන් පරීක්ෂණයක් කිරීමට ද ඉල්ලා සිටින බවයි. ඒ සමගම එක්සත් ජාතික පක්ෂ පළාත් සභා මන්තී‍්‍රවරුන් විජේපාල හෙට්ටිආරච්චි, බන්දුල ලාල් බණ්ඩාරිගොඩ, අසෝක ධනවංශ ද සිල්වා ඇතුළු මන්ත‍්‍රීවරු ඝෝෂාකිරීම නිසා සභාව ගාලගෝට්ටියක් බවට පත්විය.

මෙහිදී අනර්කලී ආකාර්ශා මන්තී‍්‍රවරිය වරප‍්‍රසාද උල්ලංඝනය කරමින් අදහස් දැක්වීම නිසා ඇතිවූ මන්තී‍්‍රරුන්ගේ දැඩි විරෝධයත් සමග විපක්ෂයේ සියළුම මන්තී‍්‍රවරුන් අනර්කලී මන්තී‍්‍රවරියට විරෝධය දැක්වූහ. මේ අවස්ථාවේ පළාත් සභාවේ සභාපති සොමවංශ කෝදාගොඩ මහතා පැවැසුවේ අනර්කලී මන්තී‍්‍රවරියට සභාවේ අසුන්ගන්නා ලෙසයි.

(සුනෙත් ගාල්ලගේ/ ඕෂධ කමලනාථ)

ඇසින් දුටු සාක්‍ෂි කිසිවක් නෑ, ගුරුවරිය දණගැස්වීමේ සිද්ධිය කණපිට හැරේ

තමා මුහුණ පෑ සිද්ධිය සමබන්ධයෙන් ජනාධිපතිවරයාගේ මැදිහත්වීමෙන් සාධාරණ පරීක්ෂණයක් පැවැත්වේ යැයි විශ්වාසයක් තිබුණද ඒ සම්බන්ධයෙන් තර්ජනාත්මක සිදුවීම් නැවත සිදු නොවේවි යැයි සිතිය නොහැකි බව වයඹ පළාත් සභා මන්ත‍්‍රීවරයා විසින් දණගැස්වීමට ලක්වූ ප‍්‍රියානි සුසිලා හේරත් ගුරු මහත්මිය කුරුණෑගල පැවැත්වූ මාධ්‍ය හමුවකට සහභාගී වෙමින් ප‍්‍රකාශ කළාය.

කුරුණෑගල වික‍්‍රමසිංහ රදගුරු ශ‍්‍රවණාගාරයේදී මෙම මාධ්‍ය හමුව පැවැති අතර සුසිලා හේරත් ගුරු මහත්මිය ඇය මුහුණ පෑ සිද්ධියෙන් පසුව මාධ්‍ය හමුවකට පැමිණි පළමු අවස්ථාව මෙය වේ.

අධ්‍යාපන වෘත්තිකයන්ගේ සංගමය මෙම මාධ්‍ය හමුව සංවිධානය කර තිබුණි. එම සංගමයේ වෘත්තීය ලේකම් වසන්ත ධර්මසිරි මහතාගේ ප‍්‍රධානත්වයෙන් මාධ්‍ය හමුව පවත්වන ලදි.සිදුවූ දේ පිළිබඳව තමා තවම දැඩි කම්පනයකින් සිටින බවද එම හේතුව මත නවගත්තේගම විදුහල වෙනුවට තම සැමියා සේවය කරන මහඋස්සාව විදුහලට ස්ථාන මාරුවක් ලබා ගත්තද අයහපත් මානසිකත්වය මත නව විදුහලේ රාජකාරී කටයුතු තමන් භාර නොගත් බවද පැවසුවාය.

ජීවිත පූජාවන් දෙකක් දෙස නැවත හැරී බැලීමක්

(ක්වන්ග් ඩක් හිමියන්ගේ ජීවිත පූජාවට පනස් වසරක් සපිරීම නිමිත්තෙනි)

කිසිදු මානසික ව්යාමකූලත්වයකින් තොරව, ඉතා හොඳ සිහිබුද්ධියෙන් යුතුව, කල්පනා කර බලා වේදනාත්මක තීරණ දෙකක් ගත් උදාරතර භික්ෂූන් වහන්සේ දෙපළක් පිළිබඳව ස්මරණය කිරීම මෙම ලිපියේ අරමුණයි.

 උන්වහන්සේලා දෙනමම සිය ජීවිතය පරාර්ථකාමී අරමුණු වෙනුවෙන් පූජා කරන්නට යෙදුණි. සත්වයෙකුට ලැබිය හැකි වේදනාත්මකම මරණයට නොබියව මුහුණ දීමට උන්වහන්සේලා දැඩිව තීරණය කර තිබුණි. ඒ තමන්ගේ සිරුරට ගිනි තබාගෙන ජීවිත පූජාවක නියැලීමයි. වියට්නාම් ජාතික “තිච් ක්වන්ග් ඩක්“ හිමිපාණෝ (1963දී) සහ බෝවත්තේ ඉන්දරතන හිමිපාණෝ (2013දී) එම වීර යතිවරයාණන් වහන්සේලා දෙනමයි. ක්වන්ග් ඩක් හිමිපාණන්ගේ ජීවිත පරිත්යාීගයට පසුගිය ජූනි 11දාට පනස් වසරක් සපිරිණි. පනස් වසර සපුරන්නට මාසයක් තිබියදී එවැනිම වූ ජීවිත පූජාවක් කිසිවෙකුත් නොසිතූ මොහොතක ලංකාවේදී සිදුවිය. මේ උන්වහන්සේලා දෙනමගේ ජීවිත පූජාවන් දෙස නැවත හැරී බැලීමකි.

එක්දහස් නවසිය හැට ගණන් යනු වියට්නාමයේ යුද සමයයි. ඇමරිකාව විසින් වියට්නාමය ආක්රහමණය කෙරෙමින් තිබිණි. මෙම ආක්රකමණ නිසා වියට්නාමයේ සාමාන්යම වැසියන් විඳි දුක් ගැහැට අපමණය. ඇමරිකන් හමුදාව අති අමානුෂික අයුරින් වියට්නාම් වැසියන්ට සලකන්නට විය. ඉවක් බවක් නැතිව මිනිස් ඝාතන සිදුවිය. ගම්බිම් පිටින් සමූල ඝාතනය කෙරිනි.

මම බුදු වෙන්න ඕනෑය කියලා අම්මා කෙනෙක් කීවා - Bandula Gunawardane

"එක අම්මා කෙනෙක් මට කීවා මම උසස් පෙළට තාක්‍ෂණ විෂයය එකතු කිරීම නිසා බුදු වෙන්න ඕනේ කියලා. තවත් අම්මා කෙනෙක් කීවා මා නිවන් දැකිය යුතු බව. ඒ නිසා මේ ක්‍රියාව නිසා ඇමැතිවරයකු වෙලත් මට බුදු වෙලා නිවන් දකින පින පහළ වුණා. තාක්‍ෂණ විෂයය උසස් පෙළට ඉගැන්වීමට දැන් කැබිනට් පත්‍රිකා සම්මත වී හමාරයි. 2020දී අපට එහි ප්‍රතිඵල බලාගන්න පුළුවන්. උසස් පෙළට අනුව ළමයින්ගේ ඇගයීම් ගෙදර ගිහින් ගුරුවරු කරගෙන එනවා. මේකෙන් ළමුන්ට අස්වීමේ සහතිකයත් සමඟ NVQ සහතිකයකුත් ලැබෙනවා."

"දැනුම කේන්ද්‍රීය සංවර්ධන ඉලක්කය තුළ ළමුන් සියයට 65ක් සාමාන්‍ය පෙළ සමත් වෙනවා. අනෙක් 35% බෙල්ල නැති මනුස්ස ජීවිත. ගණිතය අසමත් නිසා විභාග දෙපාර්තමේන්තුව ඔවුන්ගේ හිස ගසා දමලා." අධ්‍යාපන අමාත්‍ය බන්දුල ගුණවර්ධන මහතා මේ බව පැවැසුවේ අ.පො.ස. උසස් පෙළට තාක්‍ෂණ විෂයය හඳුන්වා දීමේ උත්සවයට සහභාගි වෙමිනි.

"මෙතැන ඉන්න ගේ‍ර්රු මහත්තයත්, මමත් ඉපදුණේම උගන්වන්න. උගුරට ලේ රහ එනතුරු මේස් බැනියම ඇඟට ඇලෙනතුරු යෞවනයේ පොපියන චමත්කාරයත්, භද්‍ර යෞවනයත් අපි ඉගැන්වීම වෙනුවෙන් කැප කළා. වෘත්තීය පුහුණුව සහ පාසල අතර පාලමක් නැහැ. ඒ නිසා උසස් පෙළට තාක්‍ෂණ විෂයය ඇතුළත් කිරීමට යෝජනා කෙළේ ඩලස් ඇමැතිතුමායි.

තංගල්ලේ මිනීමැරුමට මහා බ්‍රිතාන්‍ය කනස්සල්ලෙන්

තංගල්ලේදී බ්‍රිතාන්‍ය ජාතිකයකු ඝාතනය කර ඔහුගේ පෙම්වතිය දූෂණය කිරීමේ සිද්ධියෙන් වසර එකහමාරකට පසුවත් ඒ සම්බන්ධයෙන් නඩු විභාගයක් ආරම්භ නොවීම පිළිබඳව බ්‍රිතාන්‍ය රජය සිය දැඩි කනස්සල්ල පළකර තිබේ.

මේ පිළිබඳ නිවේදනයක් නිකුත් කරමින් කොළඹ බ්‍රිතාන්‍ය මහ කොමසාරිස් කාර්යාලය පවසන්නේ තම රටවැසියාට සාධාරණය ඉටු කිරීම සඳහා අපරාධකරුවන් නීතිය ඉදිරියට ගෙන ඒමට අවශ්‍ය පියවර ගන්නා තුරු දිගින් දිගටම තමන් මේ පිළිබඳ අවධානය යොමු කරන බවයි. ශ්‍රී ලංකාවේ බ්‍රිතාන්‍ය මහ කොමසාරිස් කාර්යාලය නිකුත් කළ නිවේදනය සම්පූර්ණයෙන් මෙසේය.

තංගල්ලේදී නිවාඩුවක් ගත කරමින් සිටි බ්‍රිතාන්‍ය ජාතික කුරාම් ෂෙයික් මරාදමා ඔහුගේ පෙම්වතිය වික්ටෝරියාට පහර දීමේ සිද්ධියට වසර 1 1/2ක් ගතවී ඇත. එහෙත් මේ පිළිබඳ නඩු විභාගයක් තවම ආරම්භ නොවීම නිසා බ්‍රිතාන්‍ය රජය ඉමහත් කනස්සල්ලට පත්ව සිටී. අපරාධකරුවන් නීතිය ඉදිරියට පමුණුවා මියගිය බ්‍රිතාන්‍ය ජාතිකයාට සාධාරණය ඉටුවන තුරු බි්‍රතාන්‍ය රජය මේ ගැන අවධානයෙන් සිටිනු ඇත. මේ ගැන සාධාරණය ඉටු කිරීමෙන් මියගිය කුරාම් ෂෙයික්ගේ පවුලේ උදවියට මෙන්ම ශ්‍රී ලංකාවේ සෑම වසරකම සංචාරය කරන්නට බලාපොරොත්තු වන බිබ්‍රිතාන්‍ය සංචාරකයන්ටද ඉමහත් අස්වැසිල්ලක් වනු ඇත.

පාතාල නායක STF නඳුන් මෙරටට ගෙන්වා ගන්න යයි

මෙරට සිදුවූ කොන්ත්‍රාත් මිනිස් ඝාතන, කප්පම් ගැනීම් ඇතුළු දරුණු ගණයේ අපරාධ රැසකට ශ්‍රී ලංකා ‍පොලීසියට අවශ්‍යව සිටින ඉතාලියේදී මේ වන විටත් ‍පොලිස් අත්අඩංගුවේ පසුවන දේව ප්‍රදීප් නඳුන් ධර්ම වික්‍රම නොහොත් කොස්ගොඩ එස්.ටී.එෆ්. නඳුන්ව නඩු කටයුතු සඳහා මෙරටට ගෙන්වා ගැනීමට ආරක්ෂක බලධාරීන්ගේ අවධානය යොමු වී තිබේ.

පොලිස් විශේෂ කාර්ය බළකායේ උප ‍පොලිස් පරීක්ෂකවරයෙක්ව කලක් සේවය කළ ඔහු එල්.ටී.ටී.ඊ. ය සතු ගිනිඅවි පාතාලයට අලෙවි කිරීමක් සම්බන්ධයෙන් වැඩ තහනමකට ලක්වූවෙකි. ඒ 1998 වසරේ ජුලි 16 වෙනිදා ‍පොලිස් අත්අඩංගුවට පත්වීමෙන් අනතුරුවය.එතැන් සිට කොළඹ පාතාලයේ කල්ලි නායකයන් සමග සමීපව කටයුතු කළ ඔහු එම කල්ලිවල සහයෝගයෙන් දකුණේ කොන්ත්‍රාත් මිනිස් ඝාතන ගොන්නක්ම කර තිබිණි.

කොස්ගොඩ හෑගල්‍ලේ පදිංචිකරුවෙක් වන නඳුන් පාතාලා කටයුතුවල නිරත වූයේ දේශපාලන රැකවරණයද ලබමිනි. දකුණේ සිදුවූ මිනිස් ඝාතන 20කට පමණ වගකිව යුතු නඳුන්ට එරෙහිව 2000 වසරේ පෙබරවාරි 03 වෙනිදා එකල මන්ත්‍රීවරයෙක් වූ භාරත ලක්ෂ්මන් ප්‍රේමචන්ද්‍ර මහතාගේ ආරක්ෂක නිලධාරීන් දෙදෙනකු ඝාතනය කිරීමේ චෝදනාවද එල්ල වී තිබේ. එහිදී ඝාතනයට ලක්වූවන් අතර ‍පොලිස් කොස්තාපල්වරයෙක්ද, යුද හමුදා නිලධාරියෙක්ද විය.හික්කඩුවේ එකල නගරාධිපති ගාමිණී පින්නදූව ඝාතනය, අහුංගල්ල රන් මැණිකා හෝටලයේ අධ්‍යක්ෂ ජීවක ඝාතනය, බලපිටිය අධිකරණය ඉදිරිපිටදී සාක්ෂිකරුවන් තිදෙනෙක් වෙඩි තබා ඝාතනය කිරීම ඔහු විසින් කළ ඝාතනවලින් කිහිපයකි.

විනය භාර ගුරුවරිය දණ ගැස්සූ වයඹ හිටපු මන්ත්‍රි හිරේ සිට කතා කරයි

  "මම ගමේ අහිංසක මිනිහෙක්"

  " ජීවිතේ කවදාවත් රා බීපු මිදුලක වතුර ටිකක් බීලා නෑ"

ඇත්තටම මොකක්ද මන්ත්‍රිතුමා එදා සිද්ධ වුණේ...?

මේ කියන ඒවා පට්ටපල් බොරු. ඔය ඇමැති බන්දුල ගුණවර්ධන ඇතුළුව ඔක්කොටම මම ඒක රූපවාහිනියට එන්න කියලා ඔප්පු කරලා පෙන්නනවා.

ඔබතුමා කියන්නෙ මේ චෝදනා බොරු කියලා. මේකට පදනම වැටුණෙ කොහොමද...?

මෙහෙමයි, මීට සති දෙකකට කලින් ඔය විද්‍යාලයේ විදුහල්පතිතුමාටයි, නියෝජ්‍ය විදුහල්පතිතුමාටයි මගේ ගෙදරට එන්න කිව්වා. මම ඒගොල්ලන්ට කිව්වා, මේ විද්‍යාලයේ දිගින් දිගටම අධ්‍යාපනයයි, විනයයි, පරිපාලනයයි පිරිහෙනවා. මේකට මොකක් හරි පියවරක් ගන්න ඕනෑ කියලා. ඒගොල්ලෝ අහගෙන ඉඳලා ගියා.

ඊට කලින් මට ඔය චෝදනා කරන ටීචරුයි තව ටීචර් කෙනකුයි ගහගන්නවා. එක ටීචර් කෙනෙක් මෙතැනදී කියලා තියෙනවා තමුසෙව මරලා මම එල්ලුම්ගස් යනවා කියලා.

මේ කතාව ඔබේ පැත්තට හැරුණෙ කොහොමද...?

මේ ටීචර් එක්ක මගේ කිසිම පෞද්ගලික අමනාපයක් නෑ. උසස් පෙළ ඉගෙන ගන්න මගෙ දරුවාට පවා මේ ටීචර් උගන්නලා තියෙනවා. අපේ දරුවා මේ ටීචර්ට මාර ආදරෙයි. මේ ටීචර් ගවුමෙ වාටිය ලිහන්නෙ මගෙ අනෙක් දරුවගෙ. එයා ඉන්නෙ හත වසරෙ. ඒවා මාධ්‍යවල කියන්නෙ නෑ. මේ මට කරපු අසාධාරණය ගැන කියලා වැඩක් නෑ.ආ... තව කතාවක් තියෙනවා. වෙසක් එකට නවය වසරෙ ඉන්න දරුවෙක් එක්ක මගේ දරුවා වෙසක් කූඩු හැදුවා. ඒ කූඩු හදලා දවස් තුන හතරක් යනකොට මේ දරුවා සෙම හිරවෙලා අවාසනාවන්ත විදියට මැරුණා.