සිය නිර්දෝෂිභාවය රටට පෙන්වා දෙන්නැයිඔහු දෙවියන්ගෙන් ඉල්ලා සිටියේය.ඇතැම් පිරිස් තමන් සම්බන්ධයෙන් වැරදි වැටහීමක සිටිය ද සත්‍ය දන්නා සියලූ දෙනා තමන්ට සහය දක්වන බවද කියා සිටි ආනන්ද සරත් කුමාර හිටපු මන්ත‍්‍රීවරයා, එම ස්ථානයේ සිටි මාධ්‍යවේදීන් අමතමින් මෙසේද කියා සිටියේය.
'' මේ වෙලාවේ මාධ්‍ය පිළිබඳවත් කනගාටු වෙනවා. නොකරපු සිද්ධියක් පිළිබඳව මේ ආකාරයෙන් ප්‍රචාරය ලබාදීම ගැන දුකයි. සිද්ධිය වෙන වෙලාවේ නියෝජ්‍ය විදුහල්පතිවරු දෙපළක්, ආචාර්ය මණ්ඩලයේ හතර දෙනෙක් මුරකරුවෙක් ගුරුවරියක් මේ සියලු දෙනාම කියනවා මම වාහනයෙන් බැස්සේ නෑ කියලා. මම මැතිවරණ 5කට මුහුණ දුන්නා. ආණමඩුව ආසනයේ ජනතාව මා සමඟ ඉන්නවා. මම අවුරුදු 22ක් තිස්සේ හදා ගත්ත ආත්ම ගෞරවය නැති වුණා.
