කොළොන්නාවේ කුඩු කාරයින්ට අපි බය නැ - ගලබොඩඅත්තේ ඤාණසාර හිමයෝ

‘කොළොන්නාවේ කුඩු කාරයින්ට, පඟර නැට්ටන්ට අපි බය නෑ. මැරුවත් අපි බයවෙන්නේ නෑ’ යයි බොදු බල සේනා මහ ලේකම් පූජ්‍ය ගලබොඩඅත්තේ ඤාණසාර හිමයෝ පවසති. උන් වහන්සේ මේ අදහස් පල කලේ ඊයේ පස්වරුවේ කොලොන්නාවේ සංවිධානය කර තිබූ බොදු බල සේනා රැස්වීමක් අමතමිනි. කදිනල්තුමාටත්, උලමා සභාවටත් මත් උවදුරට එරෙහි සටනට එක්වන්නැයි ආරාධනා කරමින් උන් වහන්සේ එහිදී මෙසේද කීහ. ‘කොලොන්නාව කුඩු පුරයක්. මේක නවත්තන්න ඕන. රට දැය විනාශකරන කුඩුවලින් අපේ දරුවෝ බේරගන්න ඕන.

 මේ රටේ දරුවෝ, තරුණයෝ, වැඩිහිටියෝ මත්ද්‍රව්‍ය වලින්, මත්පැන් වලින්, දුම්වැටි වලින් රැකගෙන සෞඛ්‍ය සම්පන්න පරපුරක් බිහිකරන්න බොදු බල සේනාව අදින් සටන පටන්ගන්නවා. දුමින්ද සිල්වා මන්ත්‍රීතුමා කිව්වා කුඩු නවත්වනවා කියලා.දැන් පෙන්වන්න කුඩු ගෙන්වන්නේ කව්ද කියලා. හොරගල් අහුලන්න එපා. කව්ද කරන්නේ කියලා. කියන්න බය වෙන්න එපා.අපි පවුරක් වගේ ඔබත් සමග ඉන්නවා.

කුඩු කොළොන්නාවෙන් තුරන් කරන්න. කොළොන්නාවේ කුඩු කාරයින්ට, පඟර නැට්ටන්ට අපි බය නැහැ. අපි මැරුවත් අපි බයවෙන්නේ නැහැ. අපිව හෙට මැරුවත් මේ සටන නවත්වන්නේ නැහැ. මත් උවදුර, ත්‍රස්තවාදයටත් වැඩිය දරුණුයි. එනිසා කුඩුවලට එරෙහි සටන අද අපි පටන් ගන්නවා. මත් කුඩු ජාවාරම්කාරයෝ ඉදිරියේ දේශපාලකයෝ නිහඬයි. ආගමික නායකයෝ නිහඬයි. අපි වගේ බය නැහැ.

ශ්‍රී ලංකාව විශිෂ්ට ජයක් එක්දින තරගාවලියත් ජයගනී

තිලකරත්න ඩිල්ෂාන් හා කුමාර් සංගක්කාර දෙවැනි කඩුල්ල සඳහා පන්දුවාර 32.1 කදී වාර්තාගත ලකුණු 184 සබඳතාවයක් පිහිටුවමින් දකුණු අප්‍රිකාවට එරෙහි තරග 5කින් සමන්විත එක්දින තරගාවලියේ ජය 3ට 1ක් ලෙස විශිෂ්ට ජයක් වාර්තා කිරීමට ඊයේ(28)ශ්‍රී ලංකා කණ්ඩායම සමත් විය.

 ආරම්භක පිතිකරුවන් ලෙස පිටියට පිවිසි තිලකරත්න ඩිල්ෂාන් හා මහේල ජයවර්ධන පළමු කඩුල්ල සඳහා ලකුණු 45ක සබඳතාවයක් පිහිටුවන ලදී. මහේල ලකුණු 12ට දැවී ගිය පසු ඩිල්ෂාන් හා එක්වූ සංගක්කාර දෙවැනි කඩුල්ල සඳහා ලකුණු 184ක සබඳතාවයක් පිහිටුවීමට සමත් වූ අතර සංගක්කාර ලකුණු 91ක් ලබා සිටියදී දැවී ගියේය.

 තිලකරත්න ඩිල්ෂාන් නොදැවී ලකුණු 115ක් ලබා ගත් අතර එය ඔහුගේ 17 වැනි ශතකයද විය. පන්දු 130දී ලබාගත් එම ලකුණු සංඛ්‍යාවට 4 පහර 16ක්ද අන්තර්ගතය. දකුණු අප්‍රිකාව ලබාගත් ලකුණු 238 ඒ අනූව ශ්‍රී ලංකාව පන්දුවාර 44දී කඩුලු 2ක් පමණක් දැවී අභිබවා යමින් ජයග්‍රහණය හිමිකර ගැනීමට සමත් විය.

රුපියල් දස කෝටියකට කන්‍යාභාවය විකිණූ දැරිය තවමත් කන්‍යාවක්‌ !

කන්‍යාභාවය යනු තරුණියක සතු ඉතාමත් අගනා පරම පවිත්‍ර වස්‌තුවක්‌ නොහොත් සම්පතක්‌ බව අපි දන්නෙමු. විවාහ ජීවිතයට එළැඹෙන තෙක්‌ මෙම වස්‌තුව විනාශ කර ගැනීමට කිසිම තරුණියක සූදානම් නැත. එහෙත් තමාගේ පවිත්‍රත්වයේ සම්පත වන කන්‍යාභාවය රුපියල් සතවලට විකිණීමට සමහර තරුණියන් කැමැතිය. සිය කන්‍යාභාවය රුපියල් දස කෝටියකට විකිණූ එවන් තරුණියක ගැන පසුගියදා අපට බ්‍රසීලයෙන් අසන්නට ලැබිණ.

 කැතරිනා මිග්ලිඕරිනි (Catarina migliorini) නමැති මෙම පාසල් දැරිය තමන්ගේ පවිත්‍රත්වයේ සම්පත වන කන්‍යාභාවය රුපිල් දස කෝටියකට නොහොත් ඩොලර් 780000 ට ජපනකු වෙනුවෙන් අලෙවි කළ බව  2012 නොවැම්බර් 4 වැනිදා ආන්දෝලාත්මක ලිපියක්‌ පළ කරමින් කියා සිටියේය.

එම ආන්දෝලානාත්මක ලිපිය ඔබත් කියවන්නට ඇතැයි සිතමු. මෙම ලිපිය පළ වී මාස අටකට පසු, පසුගිය සතියේ යළිත් වරක්‌ කන්‍යාභාවය විකුණූ එම දැරිය ගැන අලුත්ම පුවතක්‌ ලන්ඩනයේ "ඩේලි මේල්" පුවත්පතින් අපට අසන්නට ලැබිණි. කිසියම් පිරිසකට රැවටී මෙම දැරිය තම කන්‍යාභාවය නැති කරගෙන ඇති බව එම පුවතින් වැඩිදුරටත් කියෑවිණි. සමස්‌ත ලෝක ජනතාවම විශ්මයට පත් කළ එම කතාවේ අලුත්ම තොරතුරු ඔබට දැන ගැනීම සඳහා මෙසේ සටහන් කරමු.

මලී 2 ටෙලි නාට්‍යයේ මලී නැත්තේ ඇයි ? මලී පිළිතුරු දෙයි

Malee1 පසුගිය කාලෙ දෙරණ නාලිකාවේ විකාශය වූ ‘මලී’ ටෙලිනාට්‍යයේ අසීමිත ප්‍රේක්ෂක ප්‍රතිචාරයන් ලැබූ නිර්මාණයක්. මලීගේ චරිතයට පණපෙවූ සමාධි අරුණචායාට ඇගේ සැබෑ නාමය අහිමි කරවන තරමට මේ ජනතා ප්‍රසාදය ප්‍රබල වුණා. පාරේ තොටේ දකින අය අද පවා තමාව අමතන්නේ ‘මලී’ ලෙසින් බවයි සමාධි පවසන්නේ.

 මලී නාට්‍යයේ මලී රට ගියා තමන්ගේ මවට පුංචි දියණිය භාරකරලා. මේ අත්තම්මා හා මිනිපිරී අතර තියෙන සම්බන්ධතාවය කේන්ද්‍ර කරගෙන නිර්මාණය වූ “මලී” දෙවන කොටස අත්තම්මා දැන් දෙරණ තුළින් විකාශය වන්නේ ඉමහත් ප්‍රේක්ෂක ප්‍රතිචාර මැද. මලී එම ටෙලිනාට්‍යයේ නැහැ. ඒ වගේම මලී විදියට අප අතරට ආ සමාධිත් වැඩිය පෙනෙන්නට නැහැ. ඉතින් තවමත් මලීට ආදරය කරන පිරිසක් ඉන්න හින්දා අපි හිතුව ඈ ගැන ටිකක් හොයා බලන්න. මේ දිනවල ඇය පතිකුලයට යන්න සූදානමින් ඉන්න බව අපට දැනගන්නට ලැබුණා. අපි ඇයව ඇමතුවා. අලුතින් අරඹන දිවිය ගැන, වර්තමානය ගැනත් මලී ගැන සමාධි කතා බහ කළේ සුපුරුදු සුහදශීලී ලීලාවෙන්. 

මලී 2 අත්තම්මා නාට්‍යයේ සමාධි නැත්තෙ ඇයි කියන එක ගොඩක් දෙනෙකුට ප්‍රශ්නයක්. 

මම රඟපෑ මලීගෙ චරිතය අත්තම්මා ටෙලිනාට්‍යයේ නැහැ. මලී 2 කොටස කරන්නට කතිකා ගොඩ නැගෙද්දීම මම එයට දායක නොවී සිටින තීරණයට ආවා.

වේගයෙන් ආ වැලි ලොරිය මවත් පුතාත් බිල්ලට අරන්

ලග්ගල ඇලහැර ප්‍රධාන මාර්ගයේ වැල්ලේවල ගොමහන්දියේදී අධික වේගයෙන් ධාවනය වූ ලොරි රථයකට මවක සහ පුතකු ඊයේ (26 වැනිදා) යට වී මිය යැමෙන් ප්‍රකෝපයට පත් වූ ප්‍රදේශවාසීහු දෙදහසක්‌ පමණ දෙනා ගොමහන්දියේදී ප්‍රධාන මාර්ගය අවහිර කරමින් විරෝධතාවයක නිරත වූහ.

නාඋල සිට ලග්ගල දෙසට වැලි ගෙන ඒමට ධාවනය වූ ලොරිය මාර්ගයෙන් ඉවතට පැන ගොමහන්දිය බස්‌ නැවතුම්පළ අසල සිටි මව සහ පුතා යටකර ගෙන බස්‌ නැවතුම්පළ ද කඩා ගෙන අසල තිබූ ගොඩනැඟිල්ලකට හේත්තු වීමෙන් මෙම අනතුර සිදු වී තිබේ.

අනතුරෙන් මියගියේ ලග්ගල තෝරපිටිය දාස්‌ගිරිය ප්‍රදේශයේ පදිංචි ටී. ජී. අනුලාවතී (46) නමැති මව සහ සුමිත් නිශාන්ත බණ්‌ඩාර නමැති 23 හැවිරිදි පුත්‍රයා ය. ඔහු කලක්‌ යුද හමුදාවේ සේවය කර ඇත. අනතුර සිදු කළ ලොරි රථයේ රියෑදුරු සහ සහායක අනතුරෙන් පසු පලා ගොස්‌ තිබෙන බවත් ඔවුන් අත්අඩංගුවට ගැනීම සඳහා පරීක්‍ෂණ සිදු කරන බවත් පොලිසිය පවසයි.

විනාඩි දෙකෙන් උප්පැන්න - විවාහ - මරණ සහතික

මෙරට දස ලක්ෂ 20 කට වැඩි ජනගහනයකට සෙත සලසමින් රටේ සෑම දෙනාටම අවශ්‍ය උප්පැන්න - විවාහ - මරණ සහතික පරිගණක මඟින් ක්ෂණිකව ලබාදීමේ වැඩ පිළිවෙළ රෙජිස්ට්‍රාර් ජනරාල් දෙපාර්තමේන්තුව මඟින් රටපුරා ක්‍රියාත්මක කරයි. මහින්ද චින්තනය යටතේ රාජ්‍ය පරිපාලන හා ස්වදේශ කටයුතු පිළිබඳ ඇමැති ඩබ්ලිව්. ඩී. ජේ. සෙනෙවිරත්න මහතාගේ මෙහෙයවීමෙන් මෙම වැඩ පිළිවෙළ ක්‍රියාවට නැංවෙන බව රෙජිස්ට්‍රාර් ජනරාල් ඊ. එම්. ගුණසේකර මහතා පවසයි.

මේ අනුව මෙරට ඕනෑම අයකුට දැන් උප්පැන්න, මරණ හෝ විවාහ සහතිකයක් ඉල්ලු විට විනාඩි 2 - 3 ක් ඇතුළත අවශ්‍ය පිටපත් ගණන සහිතව ඒවා ලබා ගැනීමට හැක.මීට පෙර මෙම සහතික ලබා ගැනීමට මාස තුනක් හතරක් ගතවූ අවස්ථා තිබිණි.

මේ මාසය වන විට කුරුණෑගල දිස්ත්‍රික්කයට හැර අන් සියලු දිස්ත්‍රික්කවල මේ වැඩ පිළිවෙළ ක්‍රියාත්මක අතර ඉදිරි මාසය ඇතුළත කුරුණෑගල දිස්ත්‍රික්කය ද ආවරණය වන පරිදි මෙම වැඩ පිළිවෙළ ක්‍රියාත්මක කෙරෙන අතර ලබන වසර වන විට තමන් ඉපදුණු දිස්ත්‍රික්කයේ ඕනෑම ප්‍රාදේශීය ලේකම් කාර්යාලයකින් ඉහත සහතික ක්ෂණිකව ලබාදීමේ හැකියාව ලැබෙන බව ද රෙජිස්ට්‍රාර් ජනරාල්වරයා පැවැසීය.

ඇන්කර්,මැලිබන් සහ ඩයමන්ඩ් පිටිවල විෂ රසායන

ඇන්කර්,ඇන්කර් 1+ හා ඩයමන්ඩ් සහ මැලිබන් නන්ෆැට් යන ආනයනික කිරිපිටිවල DCD රසායනිකය අන්තර්ගතව ඇති බව කාර්මික තාක්ෂණ ආයතනය විසින් සිදුකළ පර්යේෂණයකදී මේ බව තහවුරු වී තිබේ.

කාර්මික තාක්ෂණ ආයතනය පාරිභෝගික යන්ගෙන් ලද ඉල්ලීමකට අනුව රටතුළ අළෙවිකරන කිරිපිටි වර්ගවල ඩයිසයන්ඩයිඒමයිඩ්/ (Dicyandiamide - DCD) අන්තර්ගතද යන්න පිළිබඳව සොයා බැලීමට මේ පර්යේෂණය කර ඇත.ඒ අනුව ආනයනික කිරිපිටි වර්ග 4 ක සහ දේශීය කිරිපිටි වර්ග 2 ක සාම්පල විවිධ ප්‍රමාණයන්ගෙන් ගෙන මෙම පර්යේෂණය සිදු කර තිබේ.එම සාම්පල අතරට ෆොන්ටේරා සමාගමේ ඇන්කර් හා ඇන්කර් 1+, ඩයමන්ඩ් සහ මැලිබන් නන්ෆැට් ආනයනික කිරිපිටි මෙන්ම හයිලන්ඩ් සහ පැලවත්ත සන්නාම සහිත දේශීය කිරිපිටි සාම්පලත් යොදාගෙන ඇත.

පර්යේෂණයට අනුව තහවුරු වී ඇත්තේ ආනයනික කිරිපිටි වර්ග හතරෙහිම DCD රසායනිකය අන්තර්ගත බවයි.එහෙත් දේශීය කිරිපිටි වර්ග දෙකෙහි කිසිඳු DCD රසායනික තත්ත්වයක් අන්තර්ගත නොවන බව ද පර්යේෂණ කණ්ඩායම තහවුරු කර ඇත.ඩයිසයන්ඩයිඒමයිඩ් (DCD) රසායනිකය හරකුන් අනුභව කරන තණකොළ සඳහා යොදන අතර එය යෙදීමට ප්‍රධානතම හේතුව වන්නේ හරක් මුත්‍රා ආශ්‍රයෙන් නිෂ්පාදනය වන හරිතාගාර වායුව ඕසෝන් ස්ථරයට දැඩි බලපෑමක් එල්ල කරන බැවින් බව පැවසේ.

ස්කූල් වෑන් ඩ්‍රයිවර්ගෙන් සිසුවියට වාහනේදී අතවර

අවිස්සාවේල්ල ප්‍රදේශයේ පාසලක කුඩා දැරියක් බලහත්කාරයෙන් අපයෝජනය කළ එම පාසලට දරුවන් ප්‍රවාහනය කරන වාහනයේ රියැදුරු ජාතික ළමා ආරක්ෂක අධිකාරියට ලත් පැමිණිල්ලක් මත ජාතික ළමා ආරක්ෂක අධිකාරියේ සභාපතිනි නීතිඥ අනෝමා දිසානායක මහත්මියගේ උපදෙස් මත විශේෂ පොලිස් විමර්ශන ඒකකය මඟින් පෙරේදා (24දා) අත්අඩංගුවට ගෙන ඇත. අදාළ පුද්ගලයා මෙම අපයෝජනය සිදුකර ඇත්තේ පාසල ඉදිරිපිට දරුවන් ප්‍රවාහනය කරන වාහන නවතා තිබෙන ස්ථානයේදී බවත් දෙනෝදාහක් දෙනා (මවුපියන් හා දරුවන්) ඒ අවට සැරිසරන අවස්ථාවකදී බවත් අනාවරණය වී ඇත.

දැරිය අදාළ ප්‍රවාහන රථයෙන් පාසල් යෑමට නොහැකි බව තම මවට දිගින් දිගටම ප්‍රකාශ කිරීමේදී ඒ පිළිබඳ විමසිලිමත් වූ දැරියගේ මව විසින් මෙම අතවරය අනාවරණය කරගනු ලැබ ඇති බවත් ජාතික ළමා ආරක්ෂක අධිකාරියේ දිස්ත්‍රික් නිලධාරියාගෙන් ඇතිව තිබෙන තත්ත්වය පිළිබඳ උපදෙස් ලබාගෙන ඇති බවත් ඒ අනුව අධිකාරියේ ළමා දුරකතන අංකය වන 1929 වෙත පැමිණිලි කර ඇති බවත් වාර්තා වේ.

අදාළ පුද්ගලයාටද මෙම දැරියගේ වයසට ආසන්න වයසක දැරියක් සිටින බවත් බිරිය විදෙස්ගත රැකියාවක නිරත වන බවත් වාර්තා වේ.